ഉദ്ദവ് താക്കറെ ആര്‍.എസ്.എസിനെതിരെ നീക്കം ആരംഭിച്ചു; ആദ്യ നടപടി ഇങ്ങനെ
ഡൂള്‍ന്യൂസ് ഡെസ്‌ക്
Thursday, 5th December 2019, 7:47 pm
മഹാരാഷ്ട്രയില്‍ വര്‍ഷങ്ങളോളം ഘടകകക്ഷിയായിരുന്ന ബി.ജെ.പിയെ തള്ളിയാണ് ശിവസേന എന്‍.സി.പിയോടും കോണ്‍ഗ്രസിനോടും ഒപ്പം ചേര്‍ന്ന് സര്‍ക്കാര്‍ രൂപീകരിച്ചത്. ശിവസേന ആവശ്യപ്പെട്ട മുഖ്യമന്ത്രി സ്ഥാനം നിരസിച്ചതിന് ശേഷം ഇരുപാര്‍ട്ടികളും തമ്മില്‍ കടുത്ത വാക്‌പോര് നടന്നിരുന്നു. അതിന് ശേഷമാണ് ബദ്ധവൈരികളായ പാര്‍ട്ടികള്‍ ചേര്‍ന്ന് സര്‍ക്കാര്‍ രൂപീകരിച്ചത്.
സര്‍ക്കാര്‍ രൂപീകരിച്ചതിന് ശേഷം ഉദ്ദവ് താക്കറേ സര്‍ക്കാര്‍ ആദ്യമെടുത്ത തീരുമാനങ്ങളിലൊന്ന് ആര്‍.എസ്.എസിന് എതിരായാണ്. ആര്‍.എസ്.എസ് നാഗ്പൂര്‍ ആസ്ഥാനമായി ആരംഭിച്ച ഗവേഷണ സ്ഥാപനത്തിന് ഫഡ്‌നാവിസ് സര്‍ക്കാര്‍ സ്റ്റാമ്പ് ഡ്യൂട്ടി ഒഴിവാക്കി കൊടുത്തിരുന്നു. ഈ ആനുകൂല്യം നല്‍കുന്നത് നിര്‍ത്തലാക്കാനാണ് ബുനാഴ്ച ഉദ്ദവ് താക്കറേ സര്‍ക്കാര്‍ തീരുമാനിച്ചത്.
