പാല ബിഷപ്പിനെ പിന്തുണച്ച് ജോസഫ് വിഭാഗം, എതിര്‍ത്ത് ലീഗ്; യു.ഡി.എഫ് യോഗത്തില്‍ ഭിന്നത
ഡൂള്‍ന്യൂസ് ഡെസ്‌ക്
Thursday, 23rd September 2021, 9:51 pm
തിരുവനന്തപുരം: പാല ബിഷപ്പ് മാര്‍ ജോസഫ് കല്ലറങ്ങാട്ടിന്റെ നാര്‍ക്കോട്ടിക് ജിഹാദ് പരാമര്‍ശത്തില്‍ യു.ഡി.എഫ് യോഗത്തില്‍ ഭിന്നത. യോഗത്തില്‍ പാല ബിഷപ്പിനെ കേരള കോണ്‍ഗ്രസ് ജോസഫ് വിഭാഗം പിന്തുണച്ചു.
ബിഷപ്പിന്റെത് ദുരുദ്ദേശത്തോടെയുള്ള നിലപാടല്ലെന്ന് ജോസഫ് വിഭാഗം പറഞ്ഞു. എന്നാല്‍ ബിഷപ്പിന്റെ പ്രസ്താവനയാണ് പ്രതിസന്ധി ഉണ്ടാക്കിയതെന്ന് മുസ്‌ലിം ലീഗ് വിമര്‍ശിച്ചു.
ഇതോടെ ഇരുവിഭാഗത്തെയും വിശ്വാസത്തിലെടുത്ത് മുന്നോട്ട് പോകുന്നതിന് ചര്‍ച്ചകള്‍ തുടരാന്‍ യു.ഡി.എഫ് യോഗം തീരുമാനിക്കുകയായിരുന്നു.
ബിഷപ്പിനെതിരെ കടുത്ത വിമര്‍ശനങ്ങളുമായി കോണ്‍ഗ്രസ് നേരത്തെ രംഗത്തെത്തിയിരുന്നു.
