കെ.കെ ശൈലജക്കെതിരെ തെരഞ്ഞെടുപ്പ് കമ്മിഷന് മുന്‍പില്‍ പരാതി
ഡൂള്‍ന്യൂസ് ഡെസ്‌ക്
Monday, 22nd March 2021, 9:22 am
തിരുവനന്തപുരം: ആരോഗ്യമന്ത്രി കെ.കെ ശൈലജക്കെതിരെ പരാതിയുമായി യു.ഡി.എഫ്. കുടുംബശ്രീ വഴി ചട്ടം ലംഘിച്ച് പ്രചാരണം നടത്തുന്നുവെന്നാണ് പരാതി. തെരഞ്ഞെടുപ്പ് കമ്മീഷനാണ്് യു.ഡി.എഫ് പരാതി നല്‍കിയിരിക്കുന്ന്ത.
ആലുവയിലെ ഇടതുമുന്നണി സ്ഥാനാര്‍ത്ഥിയായ ഷെല്‍ന നിഷാദിന് വേണ്ടി കെ.കെ ശൈലജ ചട്ടവിരുദ്ധമായി പ്രചാരണം നടത്തുന്നുവെന്നും കുടുംബശ്രീയെ ദുരുപയോഗം ചെയ്യുന്നുവെന്നുമാണ് യു.ഡി.എഫിന്റെ ആരോപണം.
ഷെല്‍നയുടെ പ്രചാരണത്തിന്റെ ഭാഗമായി ഇന്ന് രാവിലെ പത്ത് മണിയോടെ ശൈലജ ആലുവയില്‍ എത്തുന്നുണ്ട്. ഈ യോഗത്തിന് ആളെ കൂട്ടുന്നതിന് വേണ്ടി കുടുംബശ്രീ അംഗങ്ങളെ ദുരുപയോഗം ചെയ്യുന്നുവെന്നാണ് യു.ഡി.എഫ് പറയുന്നത്.
