'നാടു നന്നാകാനായി'; യു.ഡി.എഫിന്റെ പ്രചരണ ഗാനം പുറത്തിറക്കി
ഡൂള്‍ന്യൂസ് ഡെസ്‌ക്
Monday, 29th March 2021, 2:43 pm
തിരുവനന്തപുരം: നിയമസഭാ തിരഞ്ഞെടുപ്പിന് മുന്നോടിയായുള്ള യു.ഡി.എഫിന്റെ പ്രചരണ ഗാനം ഇന്ന് പുറത്തിറക്കി. യു.ഡി.എഫ് മീഡിയ കമ്മിറ്റി ചെയര്‍മാന്‍ പാലോട് രവിയാണ് ഇക്കാര്യം ഔദ്യോഗികമായി അറിയിച്ചത്.
പിന്നണി ഗായകരായ വൈക്കം വിജയലക്ഷ്മിയും, ശ്രീറാമുമാണ് ഗാനം ആലപിച്ചത്. ‘നാടുനന്നാകാനായി, നാട്ടാരും ഒന്നാകാനായി’ എന്ന് തുടങ്ങുന്ന പ്രചരണ ഗാനത്തിന്റെ രചന നിര്‍വ്വഹിച്ചിരിക്കുന്നത് ലോറന്‍സ് ഫെര്‍ണാണ്ടസാണ്. പ്രശാന്ത് പ്രഭാകറാണ് സംഗീത സംവിധാനം.
