പെരിന്തല്‍മണ്ണ ലീഗ്-സി.പി.ഐ.എം സംഘര്‍ഷം: മലപ്പുറം ജില്ലയില്‍ നാളെ യു.ഡി.എഫ് ഹര്‍ത്താല്‍
ഡൂള്‍ന്യൂസ് ഡെസ്‌ക്
Monday, 22nd January 2018, 7:47 pm
മലപ്പുറം: പെരിന്തല്‍മണ്ണയിലെ സി.പി.ഐ.എം-മുസ്‌ലിം ലീഗ് സംഘര്‍ഷത്തെ തുടര്‍ന്ന് ജില്ലയില്‍ യു.ഡി.എഫ് ഹര്‍ത്താലിന് ആഹ്വാനം ചെയ്തു. നാളെ രാവിലെ ആറുമണി മുതല്‍ വൈകീട്ട് ആറുമണി വരെയാണ് ഹര്‍ത്താല്‍. അവശ്യസര്‍വ്വീസുകളെ ഹര്‍ത്താലില്‍ നിന്നും ഒഴിവാക്കിയിട്ടുണ്ട്.
പെരിന്തല്‍മണ്ണ പോളിടെക്‌നിക് കോളേജിലെ വിദ്യാര്‍ത്ഥി സംഘര്‍ഷമാണ് കലാലയത്തിനു പുറത്തേക്ക് നീണ്ടത്. കോളേജില്‍ എം.എസ്.എഫ്-എസ്.എഫ്.ഐ സംഘര്‍ഷത്തെ തുടര്‍ന്ന് എസ്.എഫ്.ഐ നടത്തിയ മാര്‍ച്ചില്‍ പെരിന്തല്‍മണ്ണയിലെ ലീഗ് നിയോജകമണ്ഡലം കമ്മിറ്റി ഓഫീസ് പൂര്‍ണ്ണമായി അടിച്ചു തകര്‍ത്തിരുന്നു.
ഇതില്‍ പ്രതിഷേധിച്ച് മുസ്‌ലിം ലീഗ് പ്രവര്‍ത്തകര്‍ മലപ്പുറം-പാലക്കാട് പാത ഉപരോധിച്ചിരുന്നു.
വീഡിയോ: