പെപ്പിനും സാവിക്കും കുശാല്‍, പാരിസ് മരണ ഗ്രൂപ്പില്‍! ; ചാമ്പ്യന്‍സ് ലീഗ് ഇസ് ബാക്ക്
സ്പോര്‍ട്സ് ഡെസ്‌ക്
Thursday, 31st August 2023, 11:35 pm
യുവേഫ ചാമ്പ്യന്‍സ് ലീഗ് ടീമുകളെ ഗ്രൂപ്പുകള്‍ നിര്‍ണയിച്ചു. 32 ടീമുകളെ എട്ട് ഗ്രൂപ്പായിട്ടാണ് തരം തിരിച്ചിരിക്കുന്നത്. ഒരു ഗ്രൂപ്പില്‍ നാല് ടീമുകളാണുള്ളത്.
പി.എസ്.ജി, എ.സി മിലാന്‍, ന്യൂകാസില്‍, ബോറൂസിയ ഡോര്‍ട്ട്മുണ്ട് എന്നിവരുള്‍പ്പെടുന്ന് ഗ്രൂപ്പ് എഫാണ് മരണ ഗ്രൂപ്പായി വിലയിരുത്തപ്പെടുന്നത്. ആ ടീമുകള്‍ മുഖാമുഖം വരുമ്പോള്‍ മികച്ച മത്സരങ്ങള്‍ തന്നെ ആരാധകര്‍ പ്രതീക്ഷിക്കുന്നുണ്ട്.
നിലവിലെ ചാമ്പ്യന്‍മാരായ മാഞ്ചസ്റ്റര്‍ സിറ്റി ലെപ്‌സിഗ്, യങ് ബോയ്‌സ്, സ്വെസ്ഡ എന്നിവരടങ്ങിയ താരതമ്യേനേ ചെറിയ ഗ്രൂപ്പായ ജിയിലാണ്. ഗ്രൂപ്പ് എച്ചില്‍ സാവിയുടെ ബാഴ്‌സലോണക്കെതിരെ പോര്‍ട്ടൊ, ഷാക്തര്‍, ആന്റ്വെര്‍പ് എന്നിവരാണ്. കഴിഞ്ഞ കുറച്ച് സീസണിലായി യു.സി.എല്ലില്‍ മോശം പ്രകടനം കാഴ്ചവെക്കുന്ന ബാഴ്‌സ ഇത്തവണ തിരിച്ചുവരാനുള്ള തയ്യാറെടുപ്പിലാണ്.
