ഇറാന് മേലുള്ള ആയുധ നിരോധനം നീട്ടാനുള്ള നീക്കം തടഞ്ഞാല്‍ ഐക്യരാഷ്ട്രസഭയില്‍ ഒറ്റപ്പെടേണ്ടിവരും; റഷ്യയ്ക്കും ചൈനയ്ക്കും അമേരിക്കയുടെ ഭീഷണി
ഡൂള്‍ന്യൂസ് ഡെസ്‌ക്
Thursday, 25th June 2020, 12:20 pm
ന്യൂയോര്‍ക്ക്: ഇറാന് വിഷയത്തില്‍ അമേരിക്കയ്ക്ക് എതിരായ സമീപനം സ്വീകരിച്ചാല്‍ പ്രത്യാഘാതങ്ങള്‍ നേരിടേണ്ടി വരുമെന്ന് റഷ്യയ്ക്കും ചൈനയ്ക്കും അമേരിക്കയുടെ താക്കീത്.
ഇറാനെതിരെ ആയുധ നിരോധനം നീട്ടാനുള്ള യു.എസ് ശ്രമം തടയുന്നത് തുടരുകയാണെങ്കില്‍ റഷ്യയും ചൈനയും ഐക്യരാഷ്ട്രസഭയില്‍ ഒറ്റപ്പെടുമെന്ന് അമേരിക്ക വ്യക്തമാക്കി.
പ്രമേയം പാസാക്കാന്‍ സെക്യൂരിറ്റി കൗണ്‍സിലുമായി ചേര്‍ന്ന് പ്രവര്‍ത്തിക്കുക എന്നതാണ് ഇപ്പോള്‍ തങ്ങളുടെ ശ്രദ്ധയെന്ന് അമേരിക്ക പറഞ്ഞു.
പരമ്പരാഗത ആയുധങ്ങള്‍ക്കുള്ള ഉപരോധം നീട്ടുന്നതിനുള്ള പ്രമേയം അമേരിക്ക മുന്നോട്ടുവച്ചിട്ടുണ്ടെങ്കിലും റഷ്യയും ചൈനയും ഇതിന് എതിരാണ്.
