കരിം ബെന്‍സെമയുടെ റയല്‍ മാഡ്രിഡിലെ കരാര്‍ ഈ മാസം അവസാനിക്കും. അടുത്ത സീസണില്‍ സൗദി അറേബ്യന്‍ ടീമായ അല്‍ ഇത്തിഹാദില്‍ ചേരുമെന്നാണ് താരവുമായി ബന്ധപ്പെട്ട് വരുന്ന പുതിയ റിപ്പോര്‍ട്ട്. ജനുവരിയില്‍ സൗദി അറേബ്യയിലേക്ക് മാറുന്നതിന് ബെന്‍സെമക്ക് 400 മില്യണ്‍ യൂറോയുടെ രണ്ട് വര്‍ഷത്തെ കരാര്‍ അല്‍ ഇത്തിഹാദ്
വാഗ്ദാനം ചെയ്തതായി ഇ.എസ്.പി.എന്നിന്റെ റിപ്പോര്‍ട്ടില്‍ പറഞ്ഞു.
സൗദി അറേബ്യയിലേക്ക് പോകാനുള്ള തീരുമാനം ബാലണ്‍ ഡി ഓര്‍ ജേതാവ് ഇതിനകം റയല്‍ മാഡ്രിഡിനെ അറിയിച്ചുവെന്നും റിപ്പോര്‍ട്ടില്‍ പറയുന്നു. സൗദിയിലേക്ക് പോകുന്നതോടെ റയലില്‍ തന്റെ സഹതാരമായ ക്രിസ്റ്റ്യാനോ റൊണാള്‍ഡോയുടെ എതിരാളിയായി ബെന്‍സെമക്ക് കളിക്കേണ്ടിവരും. ഈ സീസണില്‍ ക്രിസ്റ്റ്യാനോയുടെ അല്‍-നാസറിനെക്കാള്‍ അഞ്ച് പോയിന്റ് വ്യത്യാസത്തില്‍ അല്‍ ഇത്തിഹാദ് സൗദി പ്രോ ലീഗ് ചാമ്പ്യന്മാരായിരുന്നു.
35 കാരനായ ബെന്‍സെമ 2009ലാണ് ലിയോണില്‍ നിന്ന് മാഡ്രിഡില്‍ ചേരുന്നത്. റയലിനൊപ്പം അഞ്ച് ചാമ്പ്യന്‍സ് ലീഗ് കിരീടങ്ങളും നാല് ലാ ലിഗ കിരീടങ്ങളും താരം സ്വന്തമാക്കിയിട്ടുണ്ട്. റയലിനായി 647 മത്സരങ്ങള്‍ കളിച്ച അദ്ദേഹം 353 ഗോളുകള്‍ നേടിയിട്ടുണ്ട്. 2022-23 സീസണില്‍ മാത്രം 42 മത്സരങ്ങളില്‍ നിന്ന് 30 ഗോളും ആറ് അസിസ്റ്റുകളും സ്വന്തമാക്കാന്‍ ബെന്‍സെമക്ക് സാധിച്ചു.
Karim Benzema will join Saudi Arabian side Al Ittihad when his Real Madrid contract expires this month, sources have told ESPN.
Benzema was offered a two-year contract worth €400 million to move to Saudi Arabia in January. pic.twitter.com/dXwoNByCI0
— ESPN FC (@ESPNFC) June 1, 2023
