പത്തനംതിട്ട: ശബരിമല ദര്‍ശനത്തിനെത്തിയ യുവതികളെ അപ്പാച്ചിമേട്ടില്‍ തടഞ്ഞ പ്രതിഷേധക്കാരെ പൊലീസ് നീക്കി. യുവതികളെ പൊലീസ് സന്നിധാനത്തേക്ക് കൊണ്ടുപോകുകയാണ്.

മുപ്പതോളം വരുന്ന പ്രതിഷേധക്കാരാണ് യുവതികളെ തടഞ്ഞത്. യുവതികള്‍ക്ക് സംരക്ഷണമൊരുക്കാനായി പമ്പയില്‍ നിന്ന് കൂടുതല്‍ പൊലീസ് സംഘം സന്നിധാനത്തേക്ക് നീങ്ങുന്നുണ്ട്.

ബിന്ദു, കനകദുര്‍ഗ എന്നിവരാണ് മലകയറാന്‍ എത്തിയത്.

കോഴിക്കോട്, മലപ്പുറം സ്വദേശികളാണ് ഇവര്‍. പൊലീസിനെ അറിയിക്കാതെയാണ് ഇവര്‍ പമ്പയിലെത്തിയത്. സുരക്ഷ നല്‍കണമെന്ന ആവശ്യം ഉന്നയിച്ചിട്ടുമില്ലായിരുന്നു. എന്നാല്‍, യുവതികള്‍ ആയതിനാല്‍ മലകയറ്റുന്നതിന് പൊലീസ് സംരക്ഷണം നല്‍കുകയായിരുന്നു

ALSO READ: ഈ മണ്ഡലകാലത്ത് തന്നെ കേരളത്തിലെ ദളിത്-ആദിവാസി സ്ത്രീകള്‍ ശബരിമലയില്‍ കയറിയിരിക്കും: ഡോ. രേഖാരാജ്

42ഉം 44ഉം വയസുള്ള യുവതികളാണ് മല കയറുന്നത്.

ഇന്ന് പുലര്‍ച്ചെ മൂന്നരയ്ക്കാണ് ഇവര്‍ പമ്പയിലെത്തിയത്. അവിടെ കുറച്ച് നേരം വിശ്രമിച്ച ശേഷം ഗാര്‍ഡ് റൂം വഴി ശബരിമല കയറ്റം ആരംഭിക്കുകയായിരുന്നു.

ഇന്നലെ ചെന്നൈയില്‍ നിന്ന് ശബരിമല സന്ദര്‍ശനത്തിനായി മനിതി സംഘം എത്തിയിരുന്നെങ്കിലും അയ്യപ്പദര്‍ശനം സാധ്യമായിരുന്നില്ല.

ചിത്രം കടപ്പാട്- മനോരമ ന്യൂസ്

WATCH THIS VIDEO: