കല്ലമ്പലത്തില്‍ രണ്ടാഴ്ച്ച മുമ്പ് മരിച്ച നവവധുവിന്‍റെ ഭര്‍തൃമാതാവും മരിച്ച നിലയില്‍
ഡൂള്‍ന്യൂസ് ഡെസ്‌ക്
Tuesday, 26th January 2021, 9:33 am
കൊല്ലം: കല്ലമ്പലത്ത് രണ്ടാഴ്ച മുമ്പ് ദുരൂഹസാചര്യത്തില്‍ മരിച്ച നിലയില്‍ കണ്ടെത്തിയ നവവധു ആതിരയുടെ ഭര്‍തൃമാതാവിനെ തൂങ്ങി മരിച്ച നിലയില്‍ കണ്ടെത്തി.
വീടിനോട് ചേര്‍ന്നുള്ള മരത്തിലാണ് ഭര്‍തൃമാതാവ് ശ്യാമളയെ തൂങ്ങിമരിച്ച നിലയില്‍ കണ്ടെത്തിയത്. രണ്ടാഴ്ച മുമ്പാണ് ഇവരുടെ മരുമകള്‍ ആതിരയെ വീട്ടിലെ കുളിമുറിയില്‍ മരിച്ച നിലയില്‍ കണ്ടെത്തിയത്.
കഴുത്തും കൈ ഞരമ്പുകളും മുറിച്ച നിലയിലായിരുന്നു ആതിരയുടെ മൃതദേഹം ഉണ്ടായിരുന്നത്. ശ്യാമളയുടെ മകന്‍ ശരത് അടുത്തിടെയാണ് ആതിരയെ വിവാഹം ചെയ്തത്.
