പൃഥ്വിരാജ്, നിവിന്‍ പോളി, ഭാവന എന്നിവരെ പ്രധാന കഥാപാത്രങ്ങളാക്കി ശ്യാമപ്രസാദ് സംവിധാനം ചെയ്യുന്ന “ഇവിടെ” എന്ന ചിത്രത്തിലെ മനോഹരമായ ഗാനങ്ങള്‍ പുറത്തിറങ്ങി. റഫീക്ക് അഹമ്മദിന്റെ രചനയില്‍ ഗോപീസുന്ദര്‍ ഈണമിട്ട രണ്ട് ഗാനങ്ങളാണ് ഈ ചിത്രത്തില്‍ ഉള്ളത്. വരികളുടെയും ഈണങ്ങളുടേയും മനോഹാരിതയ്ക്കപ്പുറത്തേക്ക് പാടിയവരുടെ ശബ്ദ സൗകുമാര്യവും പാട്ടിനെ ഹൃദ്യമാക്കുന്നുണ്ടെന്ന് പറയാതിരിക്കാനാവില്ല.
ടൈറ്റില്‍ സോങ് എന്ന് പറയാവുന്ന “ഇവിടെ” എന്ന ഗാനം ആലപിച്ചിരിക്കുന്നത് നടന്‍ പൃഥ്വിരാജ് ആണ്. മറ്റൊരു ഗാനമായ “ഏതോ തീരങ്ങള്‍” എന്ന മെലഡി ആലപിച്ചിരിക്കുന്നത് സംഗീത സംവിധായകനായ ഗോപീസുന്ദര്‍ തന്നെയാണ്. രണ്ട് ഗാനങ്ങള്‍ക്കും മികച്ച പ്രതികരണമാണ് പ്രേക്ഷകരില്‍ നിന്നുമുള്ളത്.
മെയ് 30ന് പുറത്തിറങ്ങുന്ന് “ഇവിടെ”, പൂര്‍ണമായും അമേരിക്കയില്‍ ചിത്രീകരിക്കുന്ന ആദ്യ മലയാള സിനിമയാണ്. “ഇവിടെ”യുടെ തിരക്കഥ ഒരുക്കിയിട്ടുള്ളത് അജയന്‍ ഗോപാലന്‍ ആണ്. ധാര്‍മ്മിക് ഫിലിംസിന്റെ ബാനറില്‍ ഡോ. എസ്. സജികുമാര്‍ നിര്‍മ്മിക്കുന്ന ചിത്രം സെന്‍ട്രല്‍ പിക്‌ചേഴ്‌സ് ആണ് പ്രദര്‍ശനത്തിനെത്തിക്കുന്നത്.
രണ്ടു ഗാനങ്ങളും ഇവിടെ കാണാം