മൂന്നാറില്‍ മാനദണ്ഡങ്ങള്‍ ലംഘിച്ച് നടത്തിയ ധ്യാനത്തില്‍ പങ്കെടുത്ത രണ്ട് വൈദികര്‍ കൂടി കൊവിഡ് ബാധിച്ച് മരിച്ചു
ഡൂള്‍ന്യൂസ് ഡെസ്‌ക്
Thursday, 13th May 2021, 9:12 am
തിരുവനന്തപുരം: മൂന്നാറില്‍ സി.എസ്.ഐ സഭ നടത്തിയ ധ്യാനത്തില്‍ പങ്കെടുത്ത രണ്ട് സഭാ ശുശ്രൂഷകര്‍ കൂടി കൊവിഡ് ബാധിച്ച് മരിച്ചു. സി.എസ്.ഐ അമ്പലക്കാല പള്ളിയിലെ സുവിശേഷകന്‍ അമ്പൂരി സ്വദേശി ബിനോകുമാറും, സി.എസ്.ഐ കള്ളിക്കാട് വെസ്റ്റ് മൗണ്ട് പള്ളിയിലെ സുവിശേഷകന്‍ ആറയൂര്‍ സ്വദേശി ദേവപ്രസാദുമാണ് കഴിഞ്ഞ ദിവസം മരിച്ചത്.
ധ്യാനത്തില്‍ പങ്കെടുത്ത രണ്ട് വൈദികര്‍ നേരത്തെ മരിച്ചിരുന്നു. ഇതോടെ ധ്യാന ശേഷം മരിച്ചവരുടെ എണ്ണം നാലായി.
കഴിഞ്ഞയാഴ്ചയാണ് കൊവിഡ് പ്രോട്ടോക്കോള്‍ ലംഘിച്ച് സി.എസ്.ഐ വൈദികര്‍ ധ്യാനം നടത്തിയത്. സംഭവത്തില്‍ പൊലീസ് കേസെടുക്കുകയും ചെയ്തിരുന്നു.
സംഘാടര്‍ക്കും പങ്കെടുത്തവര്‍ക്കുമെതിരെയാണ് പകര്‍ച്ചവ്യാധി നിരോധന നിയമപ്രകാരം പൊലീസ് കേസെടുത്തിരിക്കുന്നത്. സി.എസ്.ഐ ബിഷപ്പ് ധര്‍മരാജ് റസാലം ഉള്‍പ്പെടെ കേസില്‍ പ്രതിയാകും.
