ന്യൂദൽഹി: കാര്‍ഷിക നിയമങ്ങള്‍ പിന്‍വലിക്കണമെന്നാവശ്യപ്പെട്ട് റിപ്പബ്ലിക് ദിനത്തില്‍ ട്രാക്ടര്‍ റാലി നടത്തിയ കർഷകർ ചെങ്കോട്ടയിൽ കയറി പ്രതിഷേധിച്ചതിൽ വിമർശനവുമായി എത്തിയ മുതിർന്ന കോൺഗ്രസ് നേതാവ് നേതാവ് ശശി തരൂരിനോട് ട്വീറ്റ് പിൻവലിക്കണമെന്ന് ആവശ്യപ്പെട്ട് സോഷ്യൽ മീഡിയ. കർഷകർ മഞ്ഞ നിറത്തിലുള്ള കൊടി ചെങ്കോട്ടയിൽ ഉയർത്തിയത് ശരിയായില്ലെന്നും നിയവിരുദ്ധത അംഗീകരിക്കാൻ കഴിയില്ലെന്നുമായിരുന്നു തരൂർ ട്വീറ്റ് ചെയ്തത്.
ഇതിന് പിന്നാലെയാണ് തരൂരിനെതിരെ സോഷ്യൽ മീഡിയയിൽ വിമർശനവും ശക്തമായത്. കർഷകർ ത്രിവർണ പതാക മാറ്റിയിട്ടില്ല. അത് ഉയർന്നു തന്നെ നിൽപ്പുണ്ട്. ക്രോപ്പ് ചെയ്ത് ഉണ്ടാക്കിയെടുത്ത വ്യാജ വാർത്തകളിൽ വീഴരുത് എന്നാണ് ട്വിറ്റർ ഉപയോക്താക്കൾ തരൂരിനോട് ആവശ്യപ്പെട്ടത്.
കണ്ണ് തുറന്ന് കാര്യങ്ങൾ കാണണമെന്നും ശശി തരൂരിനോട് സോഷ്യൽ മീഡിയ പറയുന്നു.
നിങ്ങൾ വ്യാജ വാർത്തകളിൽ വീഴുന്നത് കാണുമ്പോൾ ദുഃഖമുണ്ടെന്നും ട്വീറ്റ് പിൻവലിക്കണമെന്നും നിരവധി പേരാണ് തരൂരിന്റെ ട്വീറ്റിന് താഴെ കമന്റിട്ടിരിക്കുന്നത്.
Open your eyes Shashi. pic.twitter.com/YyPVPhYXVo
— Abhijeet Dipke (@abhijeet_dipke) January 26, 2021
There is no disrespect to the national flag.. Its still atop and well fluttered.. no protester even touched that..
— Punter (@TheThinkinGhost) January 26, 2021
@ShashiTharoor Does a symbolic flag hurt more than the hundreds of videos of police beating up farmers, today? Why must you use neutrality to save face?
— hritik (@antihritik) January 26, 2021
നിങ്ങളെന്തിനാണ് ഗോഡി മീഡിയ കാണുന്നതെന്നും ട്വീറ്റിന് പിന്നാലെ ശശി തരൂരിന് നേരെ ചോദ്യങ്ങൾ ഉയരുന്നുണ്ട്. കർഷകർ ദേശീയ പതാകയോട് ഒരു അനാദരവും കാണിച്ചില്ലെന്നും അത് ഉയർന്നു തന്നെ നിൽപ്പുണ്ടെന്നും പ്രതിഷേധക്കാർ ദേശീയ പതാക തൊട്ടിട്ട് പോലുമില്ലെന്നും ഒരു ട്വിറ്റർ ഉപയോക്താവ് ട്വീറ്റ് ചെയ്തു. ഒരു പ്രതീകാത്മക പതാകയാണോ കർഷകരെ പൊലീസ് തല്ലിച്ചതയ്ക്കുന്ന ദൃശ്യങ്ങളേക്കാൾ നിങ്ങളെ വേദനിപ്പിച്ചതെന്നും അദ്ദേഹത്തിന് നേരെ ചോദ്യങ്ങൾ ഉയരുന്നുണ്ട്.
