ന്യൂദല്‍ഹി: ട്വിറ്ററില്‍ ഇപ്പോള്‍ വളരെ വേഗത്തില്‍ ട്രെന്റിംഗ് ആയിക്കൊണ്ടിരിക്കുകയാണ് കിസ് ആന്റ് ഹഗ് ഹാഷ്ടാഗ്. കുറഞ്ഞനേരം കൊണ്ട് നിരവധിപേരാണ് ഹാഷ്ടാഗില്‍ ട്വീറ്റ് ചെയ്തുകൊണ്ടിരിക്കുന്നത്.
കൂട്ടത്തില്‍ വൈറലായിരിക്കുന്നത് പ്രധാനമന്ത്രി മോദിയുടേയും കോണ്‍ഗ്രസ് നേതാവ് രാഹുല്‍ ഗാന്ധിയുടേയും ചിത്രമാണ്. ലോക്‌സഭയിലെ പ്രസംഗത്തിനിടെ രാഹുല്‍ മോദിയെ കെട്ടിപ്പിടിക്കുന്ന ചിത്രം നിരവധിപേരാണ് ട്വീറ്റ് ചെയ്തിരിക്കുന്നത്.
കിസ് ആന്റ് ഹഗ് അവാര്‍ഡ് ഗോസ് ടു രാഗ, മികച്ച കിസ് ആന്റ് ഹഗിലേക്ക് ഒരു തിരിഞ്ഞുനോട്ടം, ഇതിനെക്കാള്‍ നന്നായി ആരും കെട്ടിപ്പിടിച്ചുകാണില്ല എന്നിങ്ങനെ രസകരമായ ട്വീറ്റകളാണ് ചിത്രം പങ്കുവെച്ചുകൊണ്ട് വരുന്നത്.
മോദി സര്‍ക്കാറിനെതിരായ അവിശ്വാസ പ്രമേയ ചര്‍ച്ച നടക്കുന്നതിനിടെയാണ് 2018 ല്‍ നാടകീയരംഗങ്ങള്‍ക്ക് ലോക്‌സഭ സാക്ഷ്യം വഹിച്ചത്. പ്രധാനമന്ത്രി നരേന്ദ്രമോദിക്കെതിരെ ശക്തമായ ഭാഷയില്‍ കടന്നാക്രമിച്ചു കൊണ്ടായിരുന്നു രാഹുല്‍ ഗാന്ധിയുടെ പ്രസംഗം. രൂക്ഷമായ വിമര്‍ശന പ്രസംഗത്തിന് ശേഷം പ്രധാനമന്ത്രിയെ രാഹുല്‍ കെട്ടിപ്പിടിക്കുകയായിരുന്നു.
