[] ഓണ്‍ലൈന്‍ ഷോപ്പിങ് രംഗത്ത് ഒരു കൈ നോക്കാന്‍ ഇറങ്ങുകയാണ് പ്രമുഖ സോഷ്യല്‍ നെറ്റ് വര്‍ക്കിങ് സൈറ്റായ ട്വിറ്റര്‍. ട്വീറ്റുകള്‍ക്കൊപ്പമുള്ള ബൈ ബട്ടണ്‍ സംവിധാനത്തിലൂടെയാണ് ഉപഭോക്താക്കള്‍ക്ക് ഓണ്‍ലൈന്‍ ഷോപ്പിങ്ങിനായി ട്വിറ്റര്‍ അവസരം ഒരുക്കുന്നത്.

ഇതിന്റെ ആദ്യപടിയായി അമേരിക്കയിലെ ചെറിയ ശതമാനം ട്വിറ്റര്‍ ഉപഭോക്താക്കള്‍ക്ക് പരീക്ഷണാടിസ്ഥാനത്തില്‍ ട്വീറ്റിലൂടെ പര്‍ചേസിങ് നടത്താന്‍ സാധിക്കും. ഒരു ട്വീറ്റിലൂടെ എളുപ്പത്തില്‍ ഷോപ്പിങ്ങ് നടത്താനാവുന്ന സംവിധാനം ഉപഭോക്താക്കള്‍ക്ക് ഏറെ ഗുണകരമാവുമെന്നാണ് ട്വിറ്റര്‍ അധികൃതര്‍ അവകാശപ്പെടുന്നത്.

ഓണ്‍ലൈന്‍ വിപണന രംഗത്ത് സജീവമാവാനായി ഇ- കൊമ്മേഴ്‌സ് രംഗത്തെ പ്രമുഖരായ മൂസിക് റ്റുഡേ, ഗംറോഡ് തുടങ്ങിയ കമ്പനികളുമായി ധാരണയിലെത്തിയതായി ട്വിറ്റര്‍ അധികൃതര്‍ ബ്ലോഗിലൂടെ അറിയിച്ചു.