കേന്ദ്രസര്‍ക്കാരിനോട് മാപ്പു പറഞ്ഞ് ട്വിറ്റര്‍
ഡൂള്‍ന്യൂസ് ഡെസ്‌ക്
Wednesday, 18th November 2020, 5:56 pm
ന്യൂദല്‍ഹി: തെറ്റായ ഭൂപടം കാണിച്ചതിന്റെ പേരില്‍ കേന്ദ്രസര്‍ക്കാരിനോട് മാപ്പ് പറഞ്ഞ് ട്വിറ്റര്‍. ട്വിറ്റര്‍ ലൊക്കേഷനില്‍ ഇന്ത്യയുടെ ഭാഗമായ ലഡാക്കും ലേയും ചൈനയുടെ ഭാഗമായി കാണിച്ച ഭൂപടത്തിന്റെ പേരിലാണ് ട്വിറ്റര്‍ മാപ്പ് പറഞ്ഞത്. നവംബര്‍ 30 നകം ഈ പിഴവ് തിരുത്തുമെന്നാണ് ട്വിറ്റര്‍ ജോയ്ന്റ് പാര്‍ലമെന്ററി കമ്മിറ്റി ഓണ്‍ പേഴ്‌സണല്‍ ഡാറ്റാ പ്രൊട്ടക്ഷന് മുന്നില്‍ അറിയിച്ചിരിക്കുന്നത്.
ട്വിറ്റര്‍ രേഖാമൂലം മാപ്പ് നല്‍കിയെന്നാണ് പാര്‍ലമെന്ററി പാനല്‍ ചെയര്‍പേഴ്‌സണ്‍ മീനാക്ഷി ലേഖി പി.ടി.ഐയെ അറിയിച്ചിരിക്കുന്നത്. ഒക്ടോബറിലാണ് ഈ ഭൂപടത്തിന്റെ പേരില്‍ ട്വിറ്ററിനെതിരെ കേന്ദ്രസര്‍ക്കാര്‍ രംഗത്തു വന്നത്.
നേരത്തെ ആഭ്യന്തരമന്ത്രി അമിത്ഷായുടെ പ്രൊഫൈല്‍ പിക്ചര്‍ കോപ്പി റൈറ്റ് ഇഷ്യൂവിന്റെ പേരില്‍ ട്വിറ്റര്‍ നീക്കം ചെയ്തത് വിവാദമായിരുന്നു.
