വോട്ട് ചെയ്യാനെത്തിയപ്പോള്‍ മര്‍ദ്ദനമേറ്റ ദമ്പതികള്‍ക്ക് ഒരുലക്ഷം രൂപ നല്‍കി ട്വന്റി-20
ഡൂള്‍ന്യൂസ് ഡെസ്‌ക്
Thursday, 17th December 2020, 4:56 pm
കൊച്ചി: തദ്ദേശ തെരഞ്ഞെടുപ്പില്‍ വോട്ട് ചെയ്യാനെത്തിയപ്പോള്‍ മര്‍ദ്ദിക്കപ്പെട്ട ദമ്പതികള്‍ക്ക് ഒരുലക്ഷം രൂപ നല്‍കി ട്വന്റി-20. ട്വന്റി 20 ചീഫ് കോര്‍ഡിനേറ്ററും അന്നാ-കിറ്റക്സ് എം.ഡിയുമായ സാബു ജേക്കബിന്റെ നേതൃത്വത്തിലാണ് ഒരുലക്ഷം രൂപ നല്‍കിയത്.
തദ്ദേശ തെരഞ്ഞെടുപ്പില്‍ വോട്ട് ചെയ്യാനെത്തിയ ദമ്പതികളായ പ്രിന്റുവിനും ബ്രിജിതയ്ക്കും വോട്ടര്‍പട്ടികയില്‍ പേരില്ലെന്ന് പറഞ്ഞ് മര്‍ദ്ദനമേറ്റിരുന്നു. ആക്രമണത്തിന് പിന്നില്‍ സി.പി.ഐ.എമ്മാണെന്നാണ് ട്വന്റി-20യുടെ ആരോപണം.
കിഴക്കമ്പലം പഞ്ചായത്തിലെ കുമ്മനോട് വാര്‍ഡില്‍ വോട്ട് ചെയ്യാനെത്തിയപ്പോഴായിരുന്നു ആക്രമണം. പിന്നീട് പൊലീസിന്റെ സഹായത്തിലാണ് ഇരുവരും വോട്ട് ചെയ്ത് മടങ്ങിയത്.
