ഭരണാധികാരികള്‍ക്കെതിരെ ട്വീറ്റുകള്‍; സൗദി വനിതക്ക് 45 വര്‍ഷം ജയില്‍ ശിക്ഷ, റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Tuesday, 6th September 2022, 11:53 pm
റിയാദ്: സൗദി രാജാവിനെയും കിരീടാവകാശിയെയും ട്വിറ്ററിലൂടെ വെല്ലുവിളിച്ചെന്ന് ആരോപിച്ച് സൗദി വനിതയെ 45 വര്‍ഷം തടവിന് ശിക്ഷിച്ചതായി റിപ്പോര്‍ട്ട്. കോടതി രേഖയെ ഉദ്ധരിച്ച് ന്യൂസ് ഏജന്‍സിയായ എ.എഫ്.പിയാണ് ഇതുസംബന്ധിച്ച റിപ്പോര്‍ട്ട് പുറത്തുവിടുന്നത്.
കൊല്ലപ്പെട്ട സൗദി മാധ്യമപ്രവര്‍ത്തകന്‍ ജമാല്‍ ഖഷോഗി സ്ഥാപിച്ച വാഷിങ്ടണ്‍ ആസ്ഥാനമായുള്ള അവകാശ സംഘടനയായ ഡെമോക്രസി ഫോര്‍ അറബ് വേള്‍ഡ് നൗ(DAWN) അണ് ഇതുസംബന്ധിച്ച രേഖകള്‍ എ.എഫ്.പിക്ക് നല്‍കിയത്. നൗറ അല്‍ ഖഹ്താന് എന്ന യുവതിയാണ് ശിക്ഷക്കിരയായത്. എന്നാല്‍ കേസിനെ കുറിച്ചുള്ള ചോദ്യങ്ങളില്‍ സൗദി അധികൃതര്‍ പ്രതികരിച്ചിട്ടില്ലെന്നും എ.എഫ്.പി പറയുന്നു.
