തിരുവനന്തപുരത്ത് ലോക് ഡൗണില്‍ ഇളവ്; അവശ്യ സാധനങ്ങള്‍ വീടുകളിലെത്തിക്കില്ലെന്ന് പൊലീസ്
ഡൂള്‍ന്യൂസ് ഡെസ്‌ക്
Monday, 6th July 2020, 1:50 pm
തിരുവനന്തപുരം: തിരുവനന്തപുരത്ത് ലോക് ഡൗണില്‍ ഇളവ് വരുത്തി. പലചരക്ക്, പഴം, പച്ചക്കറിക്കടകള്‍ എന്നിവ രാവിലെ 7 മുതല്‍ 11 വരെ തുറക്കാം.
അതേസമയം തിരുവനന്തപുരത്ത് അവശ്യസാധനങ്ങള്‍ വീട്ടിലെത്തിക്കാനാവില്ലെന്ന് പൊലീസ് വ്യക്തമാക്കി. ജനങ്ങള്‍ക്ക് അടുത്തുള്ള കടയില്‍ നേരിട്ടുപോയി വാങ്ങാന്‍ അനുമതി നല്‍കും.
ഓണ്‍ലൈന്‍ ഭക്ഷണവിതരണവും പുനരാരംഭിക്കും.
സമ്പര്‍ക്കത്തിലൂടെയുള്ള കൊവിഡ് രോഗികള്‍ വര്‍ധിച്ച സാഹചര്യത്തിലാണ് തലസ്ഥാനത്ത് ട്രിപ്പിള്‍ ലോക്ക്ഡൗണ്‍ പ്രഖ്യാപിച്ചത്. തിരുവനന്തപുരം കോര്‍പ്പറേഷന്‍ പരിധിയിലാണ് ട്രിപ്പിള്‍ ലോക്ക്ഡൗണ്‍ പ്രഖ്യാപിച്ചത്.
ഒരാഴ്ച കാലത്തേക്കാണ് നിയന്ത്രണം. മുഖ്യമന്ത്രിയുടെ നിയന്ത്രണത്തില്‍ ചേര്‍ന്ന യോഗത്തിലാണ് ഇതുസംബന്ധിച്ച് തീരുമാനം എടുത്തത്.
