പശുവിനെ “ദൈവമാക്കിയും” ചാണകത്തിനു വരെ ശാസ്ത്രീയ മൂല്യം കല്പിച്ചും ഗോവധ നിരോധനത്തെ ന്യായീകരിക്കുന്ന സംഘികളെ പൊളിച്ചടുക്കി വീഡിയോ. സഞ്ജീവനിയെന്ന ഫേസ്ബുക്ക് പേജാണ് ഗോവധ നിരോധനത്തിലുള്ള അഞ്ച് ശാസ്ത്രീയ കാരണങ്ങള്‍ എന്ന വീഡിയോയിലൂടെ സംഘപരിവര്‍ പ്രചരണങ്ങളെ പരിഹസിക്കുന്നത്.
സഞ്ജീവനി കണ്ടെത്തിയ ആ കാരണങ്ങളിലേക്ക് ഒരെത്തിനോട്ടം: (അതതിന്റെ ഭംഗിയോടെ ആസ്വദിക്കണമെങ്കില്‍ വീഡിയോ കണ്ടേ തീരൂ.)
പശുവിന്റെ കൊമ്പില്‍ നിന്നും ഇലക്ട്രോ മാഗ്നറ്റിക് തരംഗങ്ങള്‍പുറത്തുവരുന്നു എന്ന് ശാസ്ത്രജ്ഞര്‍ കണ്ടുപിടിച്ചിട്ടുണ്ട്. അതു വലിയൊരു കണ്ടുപിടിത്തമാണ്. ഇത് സാധാരണ ശാസ്ത്ര ടെക്സ്റ്റ് ബുക്കിലൊന്നും നമ്മള് കണ്ടൂന്ന് വരില്ല. പക്ഷെ നമ്മള് അറിഞ്ഞിരിക്കണം.
റേഡിയ പശുവിന്റെ രണ്ടു കൊമ്പിന്റെ കൃത്യം നടക്കുപോയി കൊണ്ടുവെച്ചു കഴിഞ്ഞാല്‍ റേഡിയോയില്‍ നിന്നും ഓം ന്നുള്ള ശബ്ദം പുറത്തേക്കുവരും. എന്താ കാരണം ഈ പശുവിന്റെ കൊമ്പില്‍ നിന്നുവരുന്ന ഇലക്ട്രോ മാഗ്നറ്റിക് തരംഗങ്ങളെ റേഡിയോ ആവാഹിച്ചെടുത്ത് ഓം എന്നുള്ള ശബ്ദം പുറത്തേക്കുവിടുകയാണ്.
ഒരു ടി.വിയുടെ ആന്റിനയെടുത്ത് പശുവിന്റെ കൊമ്പിനു നടുക്കുകൊണ്ടുച്ചാല്‍, അല്ലെങ്കില്‍ കേമ്പിളിന്റെ വയറ് ഈ കൊമ്പിന്റെ കൃത്യം നടക്കുകൊണ്ടുവെച്ചു കഴിഞ്ഞ് ഇങ്ങടെ ടി.വില് ഓം എന്ന് എഴുതി കാണിക്കും. കാവി നറത്തിലാണ് ഓം എന്നെഴുതി കാണിക്കുക. പശുവിന്റെ കൊമ്പില്‍ നിന്നുവരുന്ന ഈ ഇലക്ട്രോ മാഗ്നറ്റിക് തരംഗങ്ങളാണ് ഓം എന്ന് എഴുതിക്കാണുക്കുന്നത്. അപ്പോള്‍ അത്രയ്ക്ക് ശക്തിയുണ്ട് പശുവിന്. ഇതല്ലാതെ ഒരു ജീവിക്കും ഈ ഇലക്ട്രോ മാഗ്നറ്റിക് ശക്തിയില്ല.
ഈ തരംഗത്തിന് വേറൊരു പ്രത്യേകകഴിവുകൂടിയുണ്ട്. നമ്മുടെ ഭൂമിയിലേക്ക് ഈ ബഹിരാകാശത്തു നിന്നും കുഴപ്പമുണ്ടാക്കുന്ന ഒട്ടേറെ രശ്മികള്‍ ഇങ്ങോട്ടു വരുന്നുണ്ട്. അള്‍ട്രാ വയലറ്റ് രശ്മികള്‍ എന്നു പറയും അതിനെ. അല്ലെങ്കില്‍ കോസ്മിക് തരംഗങ്ങള്‍. അപ്പോ ഇതൊക്കെ വന്ന് നമ്മുടെ ദേഹത്ത് അടിച്ചു കഴിഞ്ഞാല്‍ നമുക്ക് ഭയങ്കര ചൂടുവരും പൊള്ളലുവരും. അപ്പോള്‍ അതിനെ തടയാന്‍ ലോകത്ത് ഒരേയൊരു പ്രതിവിധി ഇതു തന്നെയുള്ളൂ. പശുവിന്റെ കൊമ്പില്‍ നിന്നുള്ള ഇലക്ട്രോ മാഗ്നറ്റിക് തരംഗങ്ങള്‍ നമ്മളെ രക്ഷിക്കും. പുറത്തുനിന്നുളള രശ്മികളൊന്നും നമ്മുടെ ദേഹത്തേക്ക് വരില്ല. ഇതൊരു വല്യകാര്യമാണ്.ഇതുകൊണ്ടാണ് നമ്മുടെ പൂര്‍വ്വികര്‍ പശുവിനെ ഇത്ര ആരാധിച്ചത്.
ചാണകത്തിനുള്ള വിശേഷത. പ്ലൂട്രോണിയം എന്നൊരു രാസവസ്തു. ഇത് ചാണകത്തിലുണ്ടെന്ന് നാസ കണ്ടുപിടിച്ചിട്ടുണ്ട്. നമ്മുടെ ന്യൂക്ലിയര്‍ ആണവ നിലയത്തില്‍ കറന്റുണ്ടാക്കാന്‍ ഉപയോഗിക്കുന്നത് പ്ലൂട്ടോണിയം എന്ന രാസവസ്തുവാണ്. ആറ്റംബോംബിലും ഉപയോഗിക്കുന്നത് ഇതാണ്. നമുക്ക് ഭാരതത്തില്‍ ഇതു യഥേഷ്ടമുണ്ട്. പശുവിന്റെ ചാണകത്തില്‍. മറ്റുള്ളവര്‍ പെസഫിക് സമുദ്രത്തിന്റെ നടുക്ക് കുഴികുത്തിയാണ് ഉണ്ടാക്കുന്നത്.
പശുവിന്‍പാല് കുടിച്ചുകഴിഞ്ഞാല്‍ മനുഷ്യന്റെ ബുദ്ധിയും സൗന്ദര്യവും വര്‍ധിക്കുമെന്ന് ജര്‍മ്മനിയിലെ കോപ്പന്‍ഹേഗന്‍ സര്‍വ്വകലാശാല കണ്ടുപിടിച്ചിട്ടുണ്ട്. നമ്മേുടെ പൂര്‍വ്വികര്‍ യഥേഷ്ടം പശുവിന്‍പാല് കുടിച്ചിരുന്നു. അതുകൊണ്ടല്ലേ അവര് പൂപോലെ അഴകുള്ളവരാണ് നമ്മുടെ പൂര്‍വ്വികന്‍മാര്. പക്ഷെ ഇന്നത്തെക്കാലത്തെ സ്ഥിതിയോ, നമ്മളാരും ശുദ്ധമായ പശുവിന്‍പാല് കുടിക്കാറില്ല. എല്ലാവരും കുടിക്കുന്നത് ഈ മില്‍മന്ന് പറഞ്ഞ സാധനമാണ്. മില്‍മപാല് ശരിക്കും പശുവിന്‍പാലല്ല. അത് ശരിക്ക് എരുമപ്പാലാണത്. അതുകുടിച്ചാല്‍ വലിയ ഗുണമൊന്നുമില്ല. മില്‍മയില്‍ പലപ്പോഴും ഈ തമിഴ്‌നാട്ടില്‍ നിന്നുകൊണ്ടുവരുന്ന കഴുതപ്പാല്‌ചേര്‍ക്കും. ഒട്ടകത്തിന്റെ പാലും ചേര്‍ക്കും. അതൊക്കെ ഇട്ടുകഴിഞ്ഞാല്‍ ഒരു ഗുണവുമില്ല. ആരോഗ്യമുണ്ടാവില്ല. ബുദ്ധിയുണ്ടാവില്ല. സൗന്ദര്യവുമുണ്ടാവില്ല.
നമ്മുടെ അമ്മമാരും സഹോദരിമാരും ഫെയര്‍ ആന്റ് ലവ്‌ലി എന്നു പറഞ്ഞ ക്രീമുണ്ട്. അതിങ്ങനെ പുരട്ടും സൗന്ദര്യത്തിനുവേണ്ടി. പക്ഷേ ഇതൊക്കെ ഇന്ന് ഇത്രയും കാശ് ചിലവാക്കേണ്ട വലിയ കാര്യവുമുണ്ടോ. ശുദ്ധമായ പശുവിന്‍പാല് കുടിച്ചാല്‍ ഇതിന്റെ ഒരാവശ്യവുമില്ല.
ശാസ്ത്രീയമായിട്ട് പറഞ്ഞാല്‍ പശുക്കള്‍ക്ക് വലിചിത്രമായ ഒരു കഴിവുണ്ട്. അവര് ഈ അന്തരീക്ഷത്തില്‍ നിന്നും കാര്‍ബണ്‍ഡൈ ഓക്‌സൈഡ് എന്നു പറഞ്ഞിട്ടുള്ള വിഷവസ്തു ഉള്ളിലേക്കെടുക്കും. അതിങ്ങനെ ശുദ്ധീകരിച്ചിട്ട് പുറത്തേക്ക് ശുദ്ധ ഓക്‌സിജന്‍ പുറത്തുവിടും. അതൊക്കെയാണ് നമ്മള് ശ്വസിക്കുന്നത്. പശുക്കളുടെ അടുത്തേക്ക് നമ്മള് പോയ്ക്കഴിഞ്ഞാല്‍ നല്ല ശുദ്ധമായ ഓക്‌സിജന്‍ ലഭിക്കും നമുക്ക്. നമുക്ക് ആരോഗ്യം മെച്ചപ്പെടും. ഇത് പശുക്കള്‍ക്കു മാത്രമേ പറ്റുളഅളൂ. ശുദ്ധമായ ഓക്‌സിജന്‍ പുറത്തേക്കു വിചടാന്‍ മറ്റൊരു ജീവിക്കും കഴിയില്ല.
പലയിടത്തും പശുക്കളെ കൊന്നു തിന്നുമ്പോള്‍ അവര് കറുത്തറുത്ത് വളരെ ക്രൂരമായിട്ടാണ് കൊല്ലുക. അങ്ങനെ കൊല്ലുമ്പോള്‍ പശുവിന്റെ ശ്വാസത്തില്‍ നിന്നും ഒരു രാസവസ്തു പുറത്തേക്കുവരും. പോളിമര്‍ എന്നാണ് അതിന്റെ പേര്. ആ വാതകം പുറത്തേക്കുവരുമ്പോള്‍ അതിങ്ങനെ കിലോമീറ്ററുകളോളം പരന്നുകിടക്കും. ആ വാതകം നമ്മള് ശ്വസിച്ചു കഴിഞ്ഞാല്‍ നമുക്ക് ഭയങ്കര കാന്‍സറാണ് വരിക. കാരണം അത്രയ്ക്ക് അപകടമുള്ളൊരു വാതകമാണ്. അതുകൊണ്ടാണ് ഇന്ന് കേരളത്തില്‍ നിറയെ കാന്‍സറാണ്. നമ്മള് ഏത് വീട്ടില്‍ നോക്കിയാലും അതിനടുത്തൊക്കെ കാന്‍സറുണ്ടാവും. പക്ഷേ 50 കൊല്ലം മുമ്പ്, നൂറു കൊല്ലം മുമ്പ് കേരളത്തില്‍ ക്യാന്‍സര്‍ കേട്ടിട്ടേയില്ല.
പക്ഷേ പശുക്കളെ കൊല്ലാത്ത സ്ഥലത്തോ. ഉദാഹരണത്തിന് ഗുജറാത്ത്. അവിടെ കാന്‍സറ് ഒരിക്കലും ഇല്ല. അപൂര്‍വ്വായിട്ട് ഗുജറാത്തില്‍ ആര്‍ക്കെങ്കിലും കാന്‍സര്‍ വരുന്നുണ്ടെങ്കില്‍ അതിങ്ങനെ ബീഡിയോ സിഗരറ്റോ മദ്യമോ മറ്റൊ കൊണ്ടായിരിക്കും. അല്ലാതെ സാധാരണക്കാര്‍ക്ക് അവിടെ ക്യാന്‍സര്‍ വരാറില്ല.