ലതകുമാരിയെ യു.ഡി.എഫും ബി.ജെ.പിയും പിന്തുണക്കുമോ?; തിരുവനന്തപുരം കോര്‍പ്പറേഷന്‍ എല്‍.ഡി.എഫിന് നഷ്ടമാവുമോ?
ഡൂള്‍ന്യൂസ് ഡെസ്‌ക്
Monday, 28th October 2019, 11:42 am
തിരുവനന്തപുരം: വട്ടിയൂര്‍ക്കാവ് എം.എല്‍.എയായി തെരഞ്ഞെടക്കപ്പെട്ടതിനെ തുടര്‍ന്ന് മേയറായിരുന്ന വി.കെ പ്രശാന്ത് രാജിവെച്ചതിനെ തുടര്‍ന്ന് തിരുവനന്തപുരം കോര്‍പ്പറേഷനില്‍ പുതിയ മേയറെ കണ്ടെത്താന്‍ തെരഞ്ഞെടുപ്പ് നടക്കും. ഈ തെരഞ്ഞെടുപ്പില്‍ മേയര്‍ സ്ഥാനം എല്‍.ഡി.എഫിന് ലഭിക്കാതിരിക്കാന്‍ തന്ത്രവുമായി കോണ്‍ഗ്രസും ബി.ജെ.പിയും.
ഒറ്റയ്ക്ക് ഭരിക്കാനുള്ള ഭൂരിപക്ഷമില്ലെങ്കിലും വലിയ ഒറ്റകക്ഷി എന്ന നിലയ്ക്കാണ് എല്‍.ഡി.എഫിന് മേയര്‍ സ്ഥാനവും കോര്‍പ്പറേഷന്‍ ഭരണവും ലഭിച്ചത്. അതിനിയും നിലനിര്‍ത്താം എന്ന ഇടതുമുന്നണി പ്രതീക്ഷകളെ വെട്ടാനാണ് കോണ്‍ഗ്രസും ബി.ജെ.പിയും ശ്രമിക്കുന്നത്.
