ബി.ജെ.പി നേതാവിന്റെ മൃതദേഹം സംസ്‌കരിക്കാന്‍ വിസമ്മതിച്ച് ബി.ജെപി പ്രവര്‍ത്തകര്‍; ഒടുവില്‍ സഹായത്തിനെത്തിയത് തൃണമൂല്‍ കോണ്‍ഗ്രസ്
ഡൂള്‍ന്യൂസ് ഡെസ്‌ക്
Monday, 10th May 2021, 9:08 pm
കൊല്‍ക്കത്ത: ഹൃദയാഘാതം മൂലം മരിച്ച ബി.ജെ.പി നേതാവിന്റെ മൃതദേഹം സംസ്‌കരിക്കാന്‍ മുന്നിട്ടിറങ്ങി തൃണമൂല്‍ കോണ്‍ഗ്രസ് പ്രവര്‍ത്തകര്‍.
ബി.ജെ.പി ബൂത്ത് പ്രസിഡന്റായിരുന്ന അനൂപ് ബാനര്‍ജിയുടെ മൃതദേഹമാണ് തൃണമൂല്‍ പ്രവര്‍ത്തകരുടെ സഹായത്തോടെ സംസ്‌ക്കരിച്ചത്.
കൊവിഡ് മൂലമാണ് മരിച്ചതെന്ന് കരുതി ബി.ജെ.പി പ്രവര്‍ത്തകരാരും ഇദ്ദേഹത്തിന്റെ മൃതദേഹം സംസ്‌ക്കരിക്കാന്‍ തയ്യാറായില്ല. ഇതോടെയാണ് തൃണമൂല്‍ കോണ്‍ഗ്രസ് ഇടപെട്ടത്.
അനൂപ് ബാനര്‍ജിയുടെ ഭാര്യ റീന ബി.ജെ.പി പ്രവര്‍ത്തകരെ സഹായത്തിനുവേണ്ടി വിളിച്ചെങ്കിലും ബി.ജെ.പിക്കാരാരും തന്നെ മൃതദേഹം സംസ്‌ക്കരിക്കാന്‍ തയ്യാറായില്ല.
