കൊല്‍ക്കത്ത: ബംഗാളില്‍ ബി.ജെ.പിയെ പുറത്താക്കി രണ്ടുമാസത്തിനിടെ ആറ് മുനിസിപ്പാലിറ്റികള്‍ പിടിച്ച തൃണമൂല്‍ കോണ്‍ഗ്രസിന് തിരിച്ചടി. തൃണമൂല്‍ എം.എല്‍.എ സബ്യസാചി ദത്ത ഇന്നലെ ബി.ജെ.പിയില്‍ ചേര്‍ന്നതോടെയാണ് ഭരണകക്ഷിയായ തൃണമൂലിന് അപ്രതീക്ഷിത പ്രഹരമേറ്റത്.
ബി.ജെ.പിയില്‍ പ്രവേശിച്ച ഉടന്‍തന്നെ, തൃണമൂല്‍ അക്രമങ്ങളില്‍ സംഘര്‍ഷഭരിതമായ ബംഗാളിനെ ശാന്തമാക്കാന്‍ കേന്ദ്ര ആഭ്യന്തരമന്ത്രി അമിത് ഷായോട് അദ്ദേഹം ആവശ്യപ്പെട്ടു.
ബിദ്ധനഗര്‍ മുനിസിപ്പല്‍ കോര്‍പ്പറേഷന്‍ മുന്‍ മേയറായ ദത്തയ്ക്ക് ബി.ജെ.പി സംസ്ഥാനാധ്യക്ഷന്‍ ദിലിപ് ഘോഷാണ് ഷാ പങ്കെടുത്ത സെമിനാറില്‍ വെച്ച് പാര്‍ട്ടി പതാക കൈമാറിയത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘രാജ്യവും രാജ്യത്തിന്റെ താത്പര്യങ്ങളും എന്റെയും പാര്‍ട്ടിയുടെയും താത്പര്യങ്ങളേക്കാള്‍ ഒരുപാട് വലുതാണ്. പ്രധാനമന്ത്രി നരേന്ദ്രമോദിയുടെ കീഴിലാണ് ഇന്ത്യ പുതിയ ഉയരങ്ങള്‍ സ്വന്തമാക്കിയത്.’- ദത്ത പറഞ്ഞു.
