ബംഗാള്‍ ഉപതെരഞ്ഞെടുപ്പില്‍ ബി.ജെ.പിക്ക് വിജയം പ്രവചിച്ച് തൃണമൂല്‍ നേതാവ് മുകുള്‍ റോയ്; നാക്കുപിഴയ്ക്ക് പിന്നാലെ തിരുത്ത്
ഡൂള്‍ന്യൂസ് ഡെസ്‌ക്
Saturday, 7th August 2021, 10:55 am
അഗര്‍ത്തല: വരാനിരിക്കുന്ന ബംഗാള്‍ ഉപ തെരഞ്ഞടുപ്പില്‍ ബി.ജെ.പിക്ക് വിജയം പ്രവചിച്ച് തൃണമൂല്‍ കോണ്‍ഗ്രസ് നേതാവ് മുകുള്‍ റോയ്. എന്നാല്‍ അത് കേവലം നാക്കുപിഴയാണെന്നും, തെരഞ്ഞെടുപ്പില്‍ ടി.എം.സി തന്നെ ജയിക്കുമെന്നും മുകുള്‍ റോയ് തിരുത്തി.
വരാനിരിക്കുന്ന തെരഞെടുപ്പില്‍ ബി.ജെ.പി സംശയലേശമന്യേ വിജയിക്കുമെന്നും, തൃണമൂല്‍ കോണ്‍ഗ്രസ് ഛിന്നഭിന്നമാവുമെന്നായിരുന്നു മുകുള്‍ റോയ് പറഞ്ഞത്. എന്നാല്‍ നാക്കുപിഴ സംഭവിച്ചതോടെ മുകുള്‍ റോയ് തന്റെ പ്രസ്താവന തിരുത്തുകയും തെരഞ്ഞെടുപ്പില്‍ തൃണമൂല്‍ വന്‍വിജയം നേടുമെന്ന് പറയുകയുമായിരുന്നു. തൃണമൂല്‍ കോണ്‍ഗ്രസ് ഓഫീസിന് മുന്നില്‍ മാധ്യപ്രപര്‍ത്തകരോട് സംസാരിക്കുകയായിരുന്നു മുകുള്‍ റോയ്.
