ന്യൂദല്‍ഹി: രാജ്പഥിന്റെ പേര് കര്‍ത്തവ്യപഥാക്കാനുള്ള കേന്ദ്ര സര്‍ക്കാര്‍ തീരുമാനത്തിനെതിരെ തൃണമൂല്‍ കോണ്‍ഗ്രസ് എം.പി മഹുവ മൊയ്ത്ര. ചരിത്രം പുനരാലേഖനം ചെയ്യുക എന്നത് ബി.ജെ.പി അവരുടെ ഏക കര്‍ത്തവ്യമാക്കിയോയെന്ന് മഹുവ ചോദിച്ചു.
‘എന്താണ് സംഭവിക്കുന്നത്? നമ്മുടെ ചരിത്രം സംസ്‌കാരം, പൈതൃകം ഇവയെല്ലാണ് ഭ്രാന്തമായി പുനരാലേഖനം ചെയ്യുക എന്നത് ബി.ജെ.പി അവരുടെ ഏക കര്‍ത്തവ്യമാക്കിയോ?,’ എന്നാണ് മഹുവ മൊയ്ത്ര ട്വീറ്റ് ചെയ്തത്.
രാജ്യ തലസ്ഥാനത്തെ സുപ്രധാന പാതയായ രാജ്പഥിന്റെ പേര് കര്‍ത്തവ്യപഥ് എന്ന് പുനര്‍നാമകരണം ചെയ്യാന്‍ കേന്ദ്ര സര്‍ക്കാര്‍ ഒരുങ്ങുന്നത് സംബന്ധിച്ച വാര്‍ത്ത പങ്കുവെച്ചായിരുന്നു മഹുവയുടെ പ്രതികരണം.
What is going on? Has BJP made it their sole kartavya to re-do our culture, our heritage in their megalomaniac madness re-write history? pic.twitter.com/0Mi4t10y8Q
— Mahua Moitra (@MahuaMoitra) September 5, 2022
