എന്താണ് ആ അജയ് ഭിഷ്ട് ചെയ്തുകൂട്ടുന്നത്? യു.പി മുഖ്യമന്ത്രിക്കും ബി.ജെ.പിക്കും ഡെറിക് ഓബ്രിയന്റെ രൂക്ഷ വിമര്‍ശനം
ഡൂള്‍ന്യൂസ് ഡെസ്‌ക്
Saturday, 6th March 2021, 11:55 am
കൊല്‍ക്കത്ത: ബി.ജെ.പിക്കെതിരെ രൂക്ഷവിമര്‍ശനവുമായി തൃണമൂല്‍കോണ്‍ഗ്രസ് നേതാവ് ഡെറിക് ഓബ്രിയന്‍. ബി.ജെ.പി രാജ്യത്തെ ഭിന്നിപ്പിക്കാന്‍ ശ്രമിക്കുകയാണെന്നും ബി.ജെ.പിയുടെ നീക്കങ്ങള്‍ തടഞ്ഞില്ലെങ്കില്‍ രാജ്യത്തിന്റെ ഭരണഘടനയെ തന്നെ ബി.ജെ.പി മാറ്റിയെഴുതുമെന്നും അദ്ദേഹം പറഞ്ഞു.
ദ ഹിന്ദുവിന് നല്‍കിയ അഭിമുഖത്തിലാണ് പരാമര്‍ശം.
യു.പി മുഖ്യമന്ത്രി യോഗി ആദിത്യ നാഥിനെതിരെയും അഭിമുഖത്തില്‍ ഒാബ്രിയന്‍ രൂക്ഷ വിമര്‍ശനം ഉന്നയിച്ചു.
” അല്ല എന്താണ് ആ യു.പി മുഖ്യമന്ത്രി അജയ് ഭിഷ്ട് , അതെ അജയ് ഭിഷ്ട് എന്നാണ് അയാളുടെ പേര്, സ്വന്തം സംസ്ഥാനം താറുമാറായി കിടക്കുമ്പോള്‍ എന്താണ് അയാള്‍ ബംഗാളില്‍ ക്യംപെയ്ന്‍ നടത്തുന്നത്?
ഓബ്രിയന്‍ ചോദിച്ചു.
ബംഗാളില്‍ തെരഞ്ഞെടുപ്പ് പ്രചരണത്തിന് പോയ ആദിത്യ നാഥ് ബംഗാളില്‍’ലവ് ജിഹാദ്’നടപ്പിലാക്കും എന്ന സൂചന നല്‍കിയിരുന്നു.
