വേള്‍ഡ് ടെസ്റ്റ് ചാമ്പ്യന്‍ഷിപ്പിന്റെ ഫൈനല്‍ മത്സരത്തിന് ഓവലില്‍ തുടക്കമായിരിക്കുകയാണ്. ടെസ്റ്റ് ക്രിക്കറ്റിന്റെ രാജാക്കന്‍മാരുടെ കിരീടമെടുത്തണിയാനൊരുങ്ങി ഇന്ത്യയും ഓസീസും പരസ്പരം കൊമ്പുകോര്‍ക്കുകയാണ്. മികച്ച സ്‌ക്വാഡുമായി ഇംഗ്ലണ്ടിലെത്തിയ ഇരുവരും സാഹചര്യങ്ങള്‍ക്കനുസരിച്ചുള്ള തങ്ങളുടെ ബെസ്റ്റ് ഇലവനെ തന്നെയാണ് കളത്തിലിറക്കിയത്.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഓസീസിന് തുടക്കത്തിലേ ഓപ്പണര്‍ ഉസ്മാന്‍ ഖവാജയെ നഷ്ടമായിരുന്നു. പത്ത് പന്ത് നേരിട്ട് റണ്ണൊന്നും നേടാതെയാണ് ഖവാജ മടങ്ങിയത്. മുഹമ്മദ് സിറാജിന്റെ പന്തില്‍ വിക്കറ്റ് കീപ്പര്‍ കെ.എസ്. ഭരത്തിന് ക്യാച്ച് നല്‍കിയാണ് താരം പുറത്തായത്.
Edged & taken! 👌 👌
Early success with the ball for #TeamIndia, courtesy @mdsirajofficial 👏 👏
Australia lose Usman Khawaja!
Follow the match ▶️ https://t.co/0nYl21pwaw #WTC23 pic.twitter.com/3v73BKFQgD
— BCCI (@BCCI) June 7, 2023
വണ്‍ ഡൗണായെത്തിയ മാര്‍നസ് ലബുഷാനും ഓപ്പണര്‍ ഡേവിഡ് വാര്‍ണറും ചേര്‍ന്ന് സ്‌കോര്‍ ഉയര്‍ത്തി. ഇരുവരുടെയും മികച്ച കൂട്ടുകെട്ടായിരുന്നു ആദ്യ സെഷന്റെ ഹൈലൈറ്റ്. എന്നാല്‍ ആദ്യ സെഷനില്‍ തന്നെ ആ കൂട്ടുകെട്ട് പൊളിച്ച് ഇന്ത്യ ആവശ്യമായ ബ്രേക് ത്രൂ സ്വന്തമാക്കിയിരുന്നു.
