ഫഹദിന്റെ അഴിഞ്ഞാട്ടം; ട്രാന്‍സിലെ ആദ്യ വീഡിയോ ഗാനം പുറത്ത്; 'നൂലു പോലെ' ഗാനം ഏറ്റെടുത്ത് ആരാധകര്‍
എന്റര്‍ടെയിന്‍മെന്റ് ഡെസ്‌ക്
Wednesday, 29th January 2020, 10:09 pm
കൊച്ചി: അന്‍വര്‍ റഷീദ് – ഫഹദ് ഫാസില്‍ കൂട്ട്‌കെട്ടില്‍ ഒരുങ്ങുന്ന ട്രാന്‍സിലെ ആദ്യ ഗാനം പുറത്തുവിട്ടു. നൂലു പോലെ എന്ന് തുടങ്ങുന്ന ഗാനത്തില്‍ ഒരു മോട്ടിവേഷണല്‍ സ്പീക്കറായിട്ടാണ് ഫഹദ് എത്തുന്നത്.
വിനായക് ശശികുമാറിന്റെ വരികള്‍ക്ക് ജാക്‌സണ്‍ വിജയന്‍ ആണ് സംഗീതം നല്‍കിയിരിക്കുന്നത്. പ്രദീപ് കുമാര്‍, മുഹമ്മദ് മഖ്ബൂല്‍ മന്‍സൂര്‍, ജാക്‌സണ്‍ വിജയന്‍ എന്നിവരാണ് ഗാനം ആലപിച്ചിരിക്കുന്നത്.
നിരവധി തവണ റിലീസ് മാറ്റിവെച്ച ചിത്രം ഫെബ്രുവരി 14 വാലെന്റൈന്‍സ് ഡേയില്‍ ആണ് തീയറ്ററുകളിലെത്തുന്നത്. ഏഴു വര്‍ഷത്തിന് ശേഷം അന്‍വര്‍ റഷീദ് സംവിധായകനായി എത്തുന്ന ചിത്രമാണ് ട്രാന്‍സ്.
