ചെന്നൈ: ആരാധകരെ ആവേശത്തിന്റെ മുള്‍മുനയിലെത്തിച്ച് സാമി സ്‌ക്വയറിന്റെ ട്രെയ്‌ലര്‍ പുറത്ത് വിട്ടു. പക്കാ ആക്ഷന്‍ പാക്കായിട്ടാണ് ട്രൈയിലര്‍ ഒരുക്കിയിരിക്കുന്നത്. മികച്ച ആക്ഷന്‍ രംഗങ്ങളാണ് ട്രെയ്‌ലറില്‍ ഹൈലൈറ്റ് ചെയ്തിരിക്കുന്നത്.
2003ല്‍ പുറത്തിറങ്ങിയ വിക്രം-തൃഷ ഹിറ്റ് ചിത്രം സാമിയുടെ രണ്ടാം ഭാഗമാണ് സാമി സ്‌ക്വയര്‍. രണ്ടാം ഭാഗത്തില്‍ വിക്രം ഡബിള്‍ റോളിലാണെത്തുന്നത്. ഇരുവരും പൊലീസ് ഓഫിസറുടെ വേഷമാണ് കൈകാര്യം ചെയ്യുന്നത്.
Also Read ‘രജനീകാന്തിന്റെ ചിത്രം കര്‍ണ്ണാടക ജനതയ്ക്ക് വേണ്ട’; കാലയ്‌ക്കെതിരെ കുമാരസ്വാമി
ഈ വര്‍ഷം തമിഴ് പ്രേക്ഷകര്‍ ആവേശത്തോടെ കാത്തിരിക്കുന്ന ചിത്രമാണ് സാമി സ്‌ക്വയര്‍. കേരളത്തിലെ വിക്രം ആരാധകരും ഏറെക്കാലത്തിന് ശേഷം ഒരു ഹിറ്റ് പ്രതീക്ഷിക്കുന്നു. ദല്‍ഹി, നോയിഡ, ആഗ്ര, ജയ്പൂര്‍, നൈനിറ്റാല്‍, കാഠ്മണ്ഡു തുടങ്ങിയിടങ്ങളാണ് പ്രധാന ലൊക്കേഷന്‍.
നിര്‍മാതാക്കളുമായി അഭിപ്രായ വ്യത്യാസമുണ്ടായതിനെ തുടര്‍ന്ന് ആദ്യ ഭാഗത്തിലെ നായികയായ തൃഷ പിന്മാറിയതോടെ കീര്‍ത്തി സുരേഷാണ് ചിത്രത്തില്‍ നായിക. പ്രഭു, ഗണേഷ് സൂരി, ദേവി ശ്രീ പ്രസാദ് തുടങ്ങിയവരും പ്രധാന വേഷത്തിലെത്തുന്നു
ഹരിയാണ് ചിത്രം സംവിധാനം ചെയ്യുന്നത്. ദേവിശ്രീ പ്രസാദാണ് സംഗീത സംവിധാനം. ബോബി സിംഹയും ചിത്രത്തില്‍ വളരെ പ്രാധാന്യമുള്ളൊരു കഥാപാത്രത്തെ അവതരിപ്പിക്കുന്നുണ്ട്. ചിത്രം ജൂണ്‍ 14ന് തീയേറ്ററുകളിലെത്തും