ചുറ്റും കുടുക്ക്; ത്രില്ലിങ്ങായി കുടുക്ക് ട്രെയ്ലര്
എന്റര്‍ടെയിന്‍മെന്റ് ഡെസ്‌ക്
Saturday, 20th August 2022, 6:58 pm
കൃഷ്ണ ശങ്കര്‍, ദുര്‍ഗ കൃഷ്ണ, സ്വാസിക എന്നിവര്‍ കേന്ദ്രകഥാപാത്രങ്ങളാവുന്ന കുടുക്ക് 2025ന്റെ ട്രെയ്ലര് പുറത്ത്. ഒരേ സമയം നിഗൂഡതയുണര്‍ത്തുന്നതും ത്രില്ലിങ്ങുമാണ് കുടുക്കിന്റെ ട്രെയ്ലര്. കൃഷ്ണ ശങ്കര്‍, ദുര്‍ഗ കൃഷ്ണ, സ്വാസിക, ഷൈന്‍ ടോം ചാക്കോ, അജു വര്‍ഗീസ് എന്നിങ്ങനെ ചിത്രത്തിലെ കേന്ദ്രകഥാപാത്രങ്ങളെല്ലാം ട്രെയ്ലറിലെത്തിയിട്ടുണ്ട്.
മിസ്റ്ററി ത്രില്ലറായി ഒരുങ്ങുന്ന ചിത്രം മാരന്‍ എന്ന ചെറുപ്പക്കാരന്റേയും അവന്റെ ചുറ്റുമുള്ള ചിലരുടെ ജീവിതവും അവര്‍ക്കു നേരിടേണ്ടി വരുന്ന ചില പ്രശ്നങ്ങളിലൂടെയുമാണ് മുന്നേറുന്നത്. മനുഷ്യ ജീവിതവുമായി ഏറെ ബന്ധമുള്ള മുഹൂര്‍ത്തങ്ങള്‍ കോര്‍ത്തിണക്കി പൂര്‍ണ്ണമായും കൊമേഴ്സ്യല്‍ എന്റര്‍ടൈനറായിട്ടാണ് ഈ ചിത്രത്തെ അവതരിപ്പിക്കുന്നത്.
