[] പയ്യോളി: ടി.പി ചന്ദ്രശേഖരന്‍ വധക്കേസിലെ പ്രതികള്‍ മദ്യവുമായി പിടിയിലായി. കോടതിയില്‍ ഹാജരാക്കി മടങ്ങുന്നതിനിടയില്‍ അയനിക്കാട് വെച്ചാണ് ഇവര്‍ പിടിയിലാകുന്നത്.
നാട്ടുകാര്‍ ഇടപെട്ടതിനെ തുടര്‍ന്നാണ് പ്രതികള്‍ മദ്യവുമായി പിടിയിലായത്. പ്രതികളെ കൊണ്ടുവന്ന പോലീസ് വണ്ടി മാഹിയില്‍ നിര്‍ത്തി മദ്യം വാങ്ങുന്നത് കണ്ട നാട്ടുകാര്‍ പോലീസ് കണ്‍ട്രോള്‍ റൂമില്‍ വിവരമറിയിച്ചതിനെത്തുടര്‍ന്നാണ് മുഹമ്മദ് ഷാഫി ഉള്‍പ്പെടെയുള്ള പ്രതികളെ പയ്യോളിയില്‍ വെച്ച് പിടികൂടിയത്.
രണ്ട് ലിറ്റര്‍ മദ്യം ഇവരില്‍ നിന്നും കണ്ടെത്തി. പ്രതികള്‍ക്ക് വേണ്ടി പോലീസുകാരാണ് മദ്യം വാങ്ങിയതെന്നാണ് സൂചന. സംഭവം പുറത്തുവന്നതിനേ തുടര്‍ന്ന് അഞ്ച് പോലീസ് ഉദ്യോഗസ്ഥരെ സസ്‌പെന്‍ഡ് ചെയ്തു. വാഹനത്തിലുണ്ടാരുന്ന പോലീസുകാരെയാണ് സസ്‌പെന്‍ഡ് ചെയ്തത്.
ടി.പി വധക്കേസിലെ പ്രതികള്‍ക്ക് ജയിലില്‍ അനര്‍ഹമായ പരിഗണന ലഭിക്കുന്നതായ ആരോപണങ്ങള്‍ ശരിവെക്കുന്നതാണ് പുതിയ വിവാദവും.