മലയാള സിനിമയില്‍ ഹിറ്റ് ചിത്രങ്ങള്‍ സമ്മാനിച്ച ഒരു ഡയറക്ടര്‍ – ആക്ടര്‍ കോമ്പോയാണ് ബേസില്‍ ജോസഫ് – ടൊവിനോ തോമസ് കൂട്ടുകെട്ട്. ഇരുവരും ഒന്നിക്കുന്ന സിനിമകള്‍ക്ക് നിരവധി ആരാധകരുണ്ട്. ബേസിലില്‍ നിന്ന് താന്‍ മോഷ്ടിക്കാന്‍ ആഗ്രഹിക്കുന്നത് എന്താണെന്ന ചോദ്യത്തിന് മറുപടി നല്‍കുകയാണ് ടൊവിനോ.

ആദ്യം മോഷ്ടിക്കുക അവന്റെ ചിരിയാണെന്നും മറ്റാര്‍ക്കും കിട്ടാത്ത ചിരിയാണ് അവന്റേതെന്നും നടന്‍ പറയുന്നു. മറ്റൊരു കാര്യം ബേസിലിന്റെ കുരുട്ടു ബുദ്ധിയാണെന്നും ആ കുരുട്ടുബുദ്ധി കിട്ടിയാല്‍ നന്നാകുമെന്ന് പലപ്പോഴും തോന്നിയിട്ടുണ്ടെന്നും ടൊവിനോ പറഞ്ഞു. ക്ലബ് എഫ്.എമ്മിന് നല്‍കിയ അഭിമുഖത്തില്‍ സംസാരിക്കുകയായിരുന്നു ടൊവിനോ തോമസ്.

‘ബേസില്‍ ജോസഫില്‍ നിന്ന് ഞാന്‍ മോഷ്ടിക്കാന്‍ ആഗ്രഹിക്കുന്നത് എന്താണെന്ന് ചോദിച്ചാല്‍, അത് അവന്റെ ചിരിയായിരിക്കും. മറ്റാര്‍ക്കും കിട്ടാത്ത ചിരിയല്ലേ അവന്റേത്. അതുകൊണ്ട് തത്കാലം അവന്റെ ചിരി നമുക്ക് മോഷ്ടിക്കാം.

പിന്നെ മറ്റൊരു കാര്യം അവന്റെ ബുദ്ധിയാണ്. അവന്റെ ബുദ്ധിയും ഞാന്‍ മോഷ്ടിക്കും. അതായത് അവന്റെ ആ കുരുട്ടുബുദ്ധിയാണ് വേണ്ടത്. എനിക്ക് ബേസിലിന്റെ കുരുട്ടുബുദ്ധി കിട്ടിയാല്‍ നന്നാകുമെന്ന് പലപ്പോഴും തോന്നിയിട്ടുണ്ട്. ഒരു നല്ല മേക്കര്‍ക്ക് വേണ്ട കാര്യമാണ് ഈ കുരുട്ടുബുദ്ധി (ചിരി).

കാരണം ആ കുരുട്ടുബുദ്ധി വെച്ചിട്ട് ആരും ഇതുവരെ ചിന്തിക്കാത്ത കാര്യമല്ലേ അവന്‍ ചിന്തിച്ചത്. ഒരു നാടന്‍ സൂപ്പര്‍ഹീറോയെ അവന്‍ ഉണ്ടാക്കി. അങ്ങനെയൊരു ചിന്ത അവനില്‍ ഉണ്ടാകുകയും അത് വളരെ നന്നായി നടപ്പിലാക്കുകയും ചെയ്തു. അവന്റെ ആ ബുദ്ധി അടിപൊളിയാണ്,’ ടൊവിനോ തോമസ് പറയുന്നു.

Content Highlight: Tovino Thomas Talks About Minnal Murali And Basil Joseph