തുടര്‍ഭരണം ഉണ്ടാവുമോ എന്ന ചോദ്യത്തിന് മറുപടി പറഞ്ഞ് ടോവിനോ
എന്റര്‍ടെയിന്‍മെന്റ് ഡെസ്‌ക്
Sunday, 21st March 2021, 12:56 pm
കള സിനിമയുടെ പ്രൊമോഷനെത്തിയ നടന്‍ ടോവിനോ തോമസ് രാഷ്ട്രീയവുമായി ബന്ധപ്പെട്ട മാധ്യമപ്രവര്‍ത്തകരുടെ ചോദ്യത്തിന് നല്‍കിയ മറുപടികളാണ് സാമൂഹ്യമാധ്യമങ്ങളിലെ പുതിയ ചര്‍ച്ച.
ഏതെങ്കിലും രാഷ്ട്രീയ പാര്‍ട്ടികളുമായി ആഭിമുഖ്യമുണ്ടോ എന്ന ചോദ്യത്തിന് പാര്‍ട്ടികളെ നോക്കിയല്ല വ്യക്തികള്‍ക്ക് അധിഷ്ഠിതമായാണ് തന്റെ രാഷ്ട്രീയമെന്നാണ് ടോവിനോ മറുപടി പറയുന്നത്.
ഒരു പാര്‍ട്ടിയോടും പ്രത്യേകമായ കൂറോ ഒരു പാര്‍ട്ടിയോടും വെറുപ്പോ തനിക്കില്ലെന്നും ടോവിനോ പറഞ്ഞു. എപ്പോഴും വോട്ട് ചെയ്യാന്‍ ശ്രമിക്കാറുണ്ടെന്നും അത് തന്റെ കടമയാണെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു.
