ആരാധകര്‍ക്ക് ടൊവീനോയുടെ പിറന്നാള്‍ സമ്മാനം; 'കള'യുടെ മാസ് ടീസര്‍ പുറത്തുവിട്ടു
എന്റര്‍ടെയിന്‍മെന്റ് ഡെസ്‌ക്
Thursday, 21st January 2021, 5:53 pm
കൊച്ചി: ആരാധകര്‍ക്ക് തന്റെ പിറന്നാള്‍ സമ്മാനമായി പുതിയ ചിത്രം കളയുടെ ടീസര്‍ പുറത്തുവിട്ട് ടൊവിനോ തോമസ്. അഡ്വഞ്ചേഴ്‌സ് ഓഫ് ഓമനക്കുട്ടന്‍, ഇബിലീസ് എന്നീ സിനിമകള്‍ക്ക് ശേഷം രോഹിത് സംവിധാനം ചെയ്യുന്ന സിനിമയാണ് കള.
മനുഷ്യനും പ്രകൃതിയും പ്രമേയമാക്കിയാണ് സിനിമ ഒരുങ്ങിയിരിക്കുന്നത്. കളയുടെ ചിത്രീകരണത്തിനിടെയായിരുന്നു ടൊവിനോ തോമസിന് പരുക്കേറ്റത്. ലാല്‍, ദിവ്യാ പിള്ള, സുമേഷ് എന്നിവര്‍ക്കൊപ്പം ബാസിഗര്‍ എന്ന പേരുള്ള നായയും ചിത്രത്തില്‍ പ്രധാന കഥാപാത്രമാണ്.
