റയലില്‍ പോകേണ്ട ആവശ്യമൊന്നുമില്ല; പി.എസ്.ജിയില്‍ തുടരാനുള്ള എംബാപെയുടെ തീരുമാനത്തെ അഭിനന്ദിച്ച് മുന്‍ ഇറ്റാലിയന്‍ ഇതിഹാസം
സ്പോര്‍ട്സ് ഡെസ്‌ക്
Tuesday, 21st June 2022, 10:09 am
ഇപ്പോള്‍ നടക്കുന്ന സമ്മര്‍ ട്രാന്‍സ്ഫറില്‍ തങ്ങളുടെ ടീമിനെ ഒന്നുകൂടി മെച്ചപ്പെടുത്താനുള്ള തയ്യാറെടുപ്പിലാണ് ഫ്രഞ്ച് ക്ലബ്ബ് പി.എസ്.ജി. ചാമ്പ്യന്‍സ് ലീഗ് എന്ന ഒറ്റ ലക്ഷ്യത്തിലാണ് പി.എസ്.ജി എല്ലാ വര്‍ഷവും ടീമിനെ ഇറക്കുക.
ഫ്രാന്‍സിന്റെ സൂപ്പര്‍ സ്‌ട്രൈക്കര്‍ കിലിയന്‍ എംബാപെയെ ടീമില്‍ നിലനിര്‍ത്താന്‍ പി.എസ്.ജി നന്നായി ശ്രമിച്ചിരുന്നു. അവരുടെ ഐക്കോണിക്കായ താരം സ്പാനിഷ് സൂപ്പര്‍ ക്ലബ്ബായ റയല്‍ മാഡ്രിഡിന്റെ കരാര്‍ വേണ്ടെന്ന് വെച്ചാണ് പി.എസ്.ജിയല്‍ തുടരാന്‍ തീരുമാനിച്ചത്.
എംബാപെയുടെ ഈ തീരുമാനത്തെ അഭിനന്ദിച്ചുകൊണ്ട് വന്നിരിക്കുകയാണ് മുന്‍ ഇറ്റലിയന്‍ കളിക്കാരന്‍ ഫ്രാന്‍സെസ്‌കോ ടോട്ടി. പി.എസ്.ജിയില്‍ തുടരാനുള്ള കിലിയന്‍ എംബാപെയുടെ തീരുമാനം മികച്ചതാണെന്നാണ് റോമ ഇതിഹാസം ഫ്രാന്‍സെസ്‌കോ ടോട്ടിയുടെ അഭിപ്രായം.
