ചാരപ്രവര്‍ത്തന വിവാദത്തില്‍ കുടുങ്ങിയ യു.എ.ഇയിലെ ടോടോക് ആപ്പ് വീണ്ടും വിപണിയിലേക്ക്
ഡൂള്‍ന്യൂസ് ഡെസ്‌ക്
Tuesday, 7th January 2020, 9:11 pm
അബുദാബി: യു.എ.ഇയിലെ ജനങ്ങളുടെ വ്യക്തിഗത വിവരങ്ങള്‍ ഗവണ്‍മെന്റിനു വേണ്ടി ചോര്‍ത്തുന്നു എന്നതിന്റെ പേരില്‍ ഗൂഗിളും ആപ്പിളും പുറത്താക്കിയ ടോടോക് ആപ്പ് വീണ്ടും വിപണിയിലെത്തുന്നു.
ഡിസംബര്‍ 27 ന് ആപ്പിന്റെ കോ ഫൗണ്ടറായ ഗിയകോമോ സിയാനി ടോടോക്കിനെതിരായ ആരോപണം അടിസ്ഥാന രഹിതമാണെന്നും അതിനിലാല്‍ ആപ്പിനെ തിരിച്ചെടുക്കണമെന്നാവശ്യപ്പെട്ടിരുന്നു. ഇതിനു പിന്നാലെയാണ് ഗൂഗിള്‍ പ്ലേ സ്റ്റോര്‍ ടോ ടോക്കിനുള്ള വിലക്ക് നീക്കുന്നത്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
എന്നാല്‍ ടോ ടോക്കിനെതിരായ ആരോപണം ഇപ്പോഴും നിലനില്‍ക്കുന്നുണ്ട്.
അന്താരാഷട്ര മാധ്യമമായ ന്യൂയോര്‍ക്ക് ടൈംസ് നടത്തിയ അന്വേഷണത്തിലായിരുന്നു ടോടോക് ഉപയോഗിക്കുന്ന ജനങ്ങളുടെ വ്യക്തിഗത വിവരങ്ങള്‍ ഉള്‍പ്പെടുന്ന രേഖകള്‍ യു.എ.ഇ ഗവണ്‍മെന്റിനായി ചോര്‍ത്തുന്നു എന്ന ആരോപണം വന്നത്.
