പ്രശസ്ത മലയാള നടന്‍ രാജീവ് പിള്ളയുടെ ആദ്യ തമിഴ് ചിത്രം തലൈവ. അന്‍വര്‍, സിറ്റി ഓഫ് ഗോഡ്, തേജാഭായ് തുടങ്ങി നിരവധി സിനിമകളിലൂടെ മലയാളത്തില്‍ തന്റേതായ ഇടം നേടിയ ഈ യുവ നടന്റെ തമിഴിലെ അരങ്ങേറ്റം കൂടിയാകും തലൈവ.[]
കോളിവുഡിന്റെ സ്വന്തം ഇളയദളപതി വിജയുടെ കൂടെ വെള്ളിത്തിര പങ്കിടാനാകുന്ന സന്തോഷത്തിലാണ് രാജീവ്. തുപ്പാക്കി യുടെ വിജയത്തിന് ശേഷം വിജയും ബോളിവുഡ് നടി രാഗിണി നദ്‌വാനിയും ഒരുമിക്കുന്ന ചിത്രം കൂടിയാകും തലൈവ.
എ.എല്‍ വിജയ് സംവിധാനം ചെയ്യുന്ന ഈ ചിത്രം നല്ലൊരു പ്രണയകഥയാണ് പങ്കുവെക്കുന്നത്. ജി.വി പ്രകാശിന്റേതാണ് സംഗീതം. കൂടാതെ അമലാ പോള്‍,വിജയ് യേശുദാസ്, സത്യരാജ്, അഭിമന്യു സിങ്, സന്താന, സുരേഷ്, ഉദയ എന്നിവര്‍ക്ക് ഈ സിനിമയില്‍ പ്രധാന വേഷങ്ങളാണ് ഉള്ളത്.