പാലിയേക്കര ടോള്‍പ്ലാസയിലെ ടോള്‍ നിരക്ക് കൂട്ടി; പുതിയ നിരക്ക് ബുധനാഴ്ച മുതല്‍
ഡൂള്‍ന്യൂസ് ഡെസ്‌ക്
Sunday, 29th August 2021, 3:43 pm
തൃശൂര്‍: പാലിയേക്കര ടോള്‍പ്ലാസയിലെ ടോള്‍ നിരക്കുകള്‍ കൂട്ടി. സെപ്തംബര്‍ ഒന്നുമുതലാണ് നിരക്കുകള്‍ കൂട്ടിയിരിക്കുന്നത്. പുതിയ നിരക്ക് പ്രകാരം കാര്‍, ജീപ്പ് തുടങ്ങിയ വാഹനങ്ങള്‍ക്ക് ഒരു ഭാഗത്തേക്ക് മാത്രം 80 രൂപ നല്‍കണം.
നേരത്തെ 75 രൂപയായിരുന്നു ഇത്. കാര്‍, ജീപ്പ് എന്നീ വാഹനങ്ങള്‍ ഇരുവശത്തേക്കും ആണെങ്കില്‍ ഇനിമുതല്‍ 120 രൂപയാണ് നല്‍കേണ്ടത്. മുമ്പ് 110 രൂപയായിരുന്നിടത്താണ് നിരക്ക് വര്‍ധിപ്പിച്ചത്.
ചരക്ക് വാഹനങ്ങളുടെ ടോള്‍ നിരക്ക് 140 രൂപയാണ് ഇനി മുതല്‍ ഈടാക്കുക. ബസുകള്‍ക്കും ട്രക്കുകള്‍ക്കും 275 രൂപയാണ് പുതിയ നിരക്ക്. ടോള്‍ പിരിവിനെതിരെ നിരന്തര വിമര്‍ശനങ്ങള്‍ ഉയരുന്നതിനിടെയാണ് ടോള്‍ നിരക്ക് വര്‍ധിപ്പിക്കുന്നത്.
