‘നിങ്ങള്‍ നിങ്ങളുടെ ജാവലിന്‍ ഒപ്പ് ഇട്ട (ഓട്ടോഗ്രാഫ്) ശേഷം എനിക്ക് തന്നാല്‍ ഞാനത് ലേലത്തില്‍ വെക്കാം. ഇതില്‍ നിന്നും കിട്ടുന്ന പണം ജീവകാരുണ്യപ്രവര്‍ത്തനങ്ങള്‍ക്കായി ഉപയോഗിക്കാം’ എന്ന് മോദി നീരജിനോട് പറഞ്ഞു. ഇത് കേട്ടയുടനെ ഒന്ന് പുഞ്ചിരിച്ച ശേഷം നീരജ് തന്റെ ജാവലിന്‍ നല്‍കുകയായിരുന്നു. സിന്ധുവും ലവ്ലീനയും ഇത്തരത്തില്‍ തങ്ങളുടെ റാക്കറ്റും ഗ്ലൗസും മുന്‍പേ തന്നെ പ്രധാനമന്ത്രിയെ ഏല്‍പ്പിച്ചിരുന്നു.
ലേലത്തെ സംബന്ധിച്ചുള്ള വിവരങ്ങള്‍ ഒന്നും തന്നെ ഇതുവരെ പുറത്ത് വിട്ടിട്ടില്ല. ഒളിംപിക്സ് ചരിത്രത്തില്‍ ആദ്യമായാണ് ഇന്ത്യ അത്ലറ്റിക്സില്‍ സ്വര്‍ണം നേടുന്നത്. ഒളിംപിക്സ് വ്യക്തിഗത ഇനത്തില്‍ ഇന്ത്യ നേടുന്ന രണ്ടാം സ്വര്‍ണമാണ് നീരജിന്റേത്.
വനിതാവിഭാഗം ബാഡ്മിന്റണിലാണ് പി.വി. സിന്ധുവിന്റെ മെഡല്‍ നേട്ടം ബോക്സിംഗില്‍ നിന്നുമാണ് ലവ്‌ലീന ബോഗോഹൈന്‍ വെങ്കല മെഡല്‍ നേടിയത്.
