നീരജ് ചോപ്രയ്ക്ക് ആദരം; നീരജുമാര്‍ക്ക് സൗജന്യമായി പെട്രോള്‍ നല്‍കി പമ്പുടമ
സ്പോര്‍ട്സ് ഡെസ്‌ക്
Wednesday, 11th August 2021, 11:23 am
ഗുജറാത്ത്: ഒളിംപിക്സില്‍ സ്വര്‍ണം നേടിയ നീരജ് ചോപ്രയോടുള്ള ആദരസൂചകമായി പമ്പിലെത്തിയ നീരജ് എന്ന് പേരുള്ള എല്ലാവര്‍ക്കും സൗജന്യമായി പെട്രോള്‍ നല്‍കി ഗുജറാത്തിലെ പമ്പുടമ. ഏകദേശം 15,000 രൂപ വിലവരുന്ന പെട്രോളാണ് ഇത്തരത്തില്‍ സൗജന്യമായി നല്‍കിയത്.
ഗുജറാത്തിലെ ഭാറുച്ച് ജില്ലയിലെ ഒരു പമ്പുടമയാണ് ഇത്തരത്തില്‍ അസാധാരണമായ വിധത്തില്‍ അത്ലറ്റിക്സില്‍ ഇന്ത്യയുടെ ആദ്യ മെഡല്‍ നേട്ടത്തിന് കാരണക്കാരനായ ഒളിംപ്യന്‍ നീരജ് ചോപ്രയ്ക്ക് ആദരമര്‍പ്പിച്ചത്.
കൃത്യമായ രേഖകളുമായി പമ്പിലെത്തുന്ന നീരജ് എന്നു പേരുള്ള എല്ലാവര്‍ക്കും 501 രൂപയുടെ പെട്രോള്‍ സൗജന്യമായി നല്‍കാന്‍ പമ്പിന്റെ മാനേജര്‍ അയ്യൂബ് പത്താന്‍ തീരുമാനിക്കുകയായിരുന്നു. ഇത്തരത്തില്‍ 28 പേര്‍ക്കാണ് സൗജന്യമായി പെട്രോള്‍ ലഭിച്ചത്.
രണ്ട് ദിവസം കൊണ്ട് 150 ലിറ്റര്‍ പെട്രോളാണ് ‘നീരജുമാര്‍ക്ക്’ പമ്പുടമ നല്‍കിയത്.
