എലെയ്ന്‍ തോംസണ്‍ വേഗറാണി; മൂന്ന് മെഡലും ജമൈക്കക്ക്
സ്പോര്‍ട്സ് ഡെസ്‌ക്
Saturday, 31st July 2021, 6:43 pm
ടോകിയോ: ജമൈക്കയുടെ എലെയ്ന്‍ തോംസണ്‍ ടോകിയോ ഒളിമ്പിക്സിലെ വേഗമേറിയ വനിതാ താരം. ലോകത്തെ വേഗതയേറിയ മൂന്ന് താരങ്ങളും ഇത്തവണ ജമൈക്കയില്‍ നിന്നാണ്. വനിതകളുടെ 100 മീറ്ററില്‍ 10.61 സെക്കന്റിലാണ് എലെയ്ന്‍ തോംസണ്‍ ഫിനിഷ് ചെയ്തത്.
33 വർഷം മുമ്പുള്ള റെക്കോർഡ് പഴങ്കഥയാക്കിയാണ് എലെയ്ന്‍ തോംസണ്‍ സ്വർണത്തിലേക്ക് ഓടിക്കയറിയത്. ജമൈക്കയുടെ മുന്‍ ഒളിമ്പിക് ചാമ്പ്യനായ ഷെല്ലി ആന്‍ ഫ്രെസറാണ് വെള്ളി മെഡല്‍ നേടിയത്. ഷരിക ജാക്‌സണാണ് വെങ്കലം നേടിയത്.
