ടോകിയോ ഒളിമ്പിക്‌സില്‍ ചരിത്രമെഴുതി ഹോക്കി ഇന്ത്യന്‍ വനിതാ ടീം സെമിഫൈനലില്‍ പ്രവേശിച്ചതിന് പിന്നാലെ ട്വിറ്ററില്‍ തരംഗമാവുന്നത് രണ്ടുപേരാണ്. നിലവിലെ വനിതാ ഹോക്കി ടീമിന്റെ കോച്ചായ ജോര്‍ഡ് മാര്‍ജിനും ബോളിവുഡ് നടനായ ഷാരൂഖ് ഖാനും. 2007ല്‍ പുറത്തിറങ്ങിയ ചക്ക് ദേ ഇന്ത്യ എന്ന ചിത്രത്തില്‍ വനിതാ ഹോക്കി ടീമിന്റെ കോച്ചായി അഭിനയിച്ച ഷാരൂഖ് ഖാന്‍ യാഥാര്‍ത്ഥ കോച്ചിന്റെ ട്വീറ്റിന് മറുപടി ട്വീറ്റ് ഇട്ടതുമുതലാണ് ഇരുവരും ചര്‍ച്ചയിലേക്ക് വന്നത്.
സെമിയിലേക്ക് കടന്ന ടീമിനൊപ്പമുള്ള ഫോട്ടോക്കൊപ്പം താന്‍ എത്താന്‍ വൈകുമെന്നും അതുകൊണ്ട് ക്ഷമിക്കണമെന്നും കുടുംബത്തോട് പറയുന്നതായിട്ടായിരുന്നു ജോര്‍ഡ് മാര്‍ജിന്റെ ട്വീറ്റ്. എന്നാല്‍ അത് കുഴപ്പമില്ലെന്നും ഇവിടെയുള്ള കോടിക്കണക്കിന് കുടുംബക്കാര്‍ക്ക് വേണ്ടി സ്വര്‍ണ്ണവും കൊണ്ട് തിരിച്ചുവന്നാല്‍ മതി എന്നാണ് ജോര്‍ഡ് മാര്‍ജിന്റെ ട്വീറ്റിന് ഷാരൂഖ് ഖാന്‍ മറുപടി നല്‍കിയത്.
മുന്‍ കോച്ചായ കബീര്‍ ഖാന്‍ ആണ് പറയുന്നതെന്നും ഷാരൂഖ് തന്റെ ട്വീറ്റില്‍ കുറിച്ചു. ചക്ക് ദേ ഇന്ത്യയില്‍ കബീര്‍ ഖാന്‍ എന്ന കോച്ചിനെയാണ് ഷാരൂഖ് അവതരിപ്പിച്ചിരുന്നത്.
ഷാരൂഖിന്റെ ഈ ട്വീറ്റിന് ജോര്‍ഡ് മാര്‍ജിന്‍ വീണ്ടും മറുപടി നല്‍കുകയായിരുന്നു.
‘എല്ലാ പിന്തുണക്കും സ്‌നേഹത്തിനും നന്ദി, ഞങ്ങള്‍ എല്ലാം കൊണ്ടുവരും. എന്ന് യഥാര്‍ത്ഥ കോച്ച്,’ ഇതായിരുന്നു ജോര്‍ഡ് മാര്‍ജിന്‍ തന്റെ ട്വീറ്റില്‍ പറഞ്ഞത്.
Haan haan no problem. Just bring some Gold on your way back….for a billion family members. This time Dhanteras is also on 2nd Nov. From: Ex-coach Kabir Khan. https://t.co/QcnqbtLVGX
— Shah Rukh Khan (@iamsrk) August 2, 2021
