ആന്‍സണ്‍ പോള്‍ നായകനാകുന്ന റൊമാന്റിക് ത്രില്ലര്‍ ചിത്രം താള്‍: ടൈറ്റില്‍ പോസ്റ്റര്‍ റിലീസായി
എന്റര്‍ടെയിന്‍മെന്റ് ഡെസ്‌ക്
Monday, 9th October 2023, 7:56 pm
മലയാള ചലച്ചിത്ര നിരയിലേക്ക് വേറിട്ട പ്രമേയവുമായി ചില യഥാര്‍ത്ഥ സംഭവങ്ങളുടെ പശ്ചാത്തലത്തില്‍ ഒരു ക്യാമ്പസ് ത്രില്ലര്‍ ചിത്രം കൂടി എത്തുന്നു. താള്‍ എന്നാണ് ചിത്രത്തിന്റെ പേര്. ചിത്രത്തിന്റെ ടൈറ്റില്‍ പോസ്റ്റര്‍ റസൂല്‍ പൂക്കുട്ടി, എം.ജയചന്ദ്രന്‍, കുഞ്ചാക്കോ ബോബന്‍, സുരാജ് വെഞ്ഞാറമൂട് എന്നിവര്‍ തങ്ങളുടെ സോഷ്യല്‍ മീഡിയയില്‍ കൂടി റിലീസ് ചെയ്തു.
നവാഗതനായ രാജാസാഗര്‍ സംവിധാനം ചെയ്യുന്ന ചിത്രത്തിന്റെ കഥയും തിരക്കഥയും സംഭാഷണവും മാധ്യമ പ്രവര്‍ത്തകനായ ഡോ.ജി. കിഷോര്‍ നിര്‍വഹിക്കുന്നു. ഗ്രേറ്റ് അമേരിക്കന്‍ ഫിലിംസിന്റെ ബാനറില്‍ ക്രിസ് തോപ്പില്‍, മോണിക്ക കമ്പാട്ടി, നിഷീല്‍ കമ്പാട്ടി എന്നിവരാണ് ചിത്രത്തിന്റെ നിര്‍മാണം.
