തേങ്ങ എങ്ങനെ ഉടയ്ക്കണമെന്നും ആരതി എങ്ങനെ നടത്തണമെന്നും കോടതി പറയണോ!തിരുപ്പതി ക്ഷേത്രവുമായി ബന്ധപ്പെട്ട ഹരജിയില്‍ സുപ്രീംകോടതി
ഡൂള്‍ന്യൂസ് ഡെസ്‌ക്
Wednesday, 17th November 2021, 8:57 am
ന്യൂദല്‍ഹി: ക്ഷേത്രങ്ങളുടെ ദൈനംദിനച്ചടങ്ങുകള്‍ എങ്ങനെ വേണമെന്ന കാര്യത്തില്‍ ഇടപെടാന്‍ സാധിക്കില്ലെന്ന് സുപ്രീംകോടതി.
ക്ഷേത്രഭരണം സംബന്ധിച്ച കാര്യങ്ങള്‍ മാത്രമേ പരിശോധിക്കാനാകൂവെന്നും കോടതി വ്യക്തമാക്കി.
തിരുപ്പതി ക്ഷേത്രത്തിലെ ചടങ്ങുകളില്‍ ക്രമക്കേടുണ്ടെന്ന് ആരോപിച്ചുകൊണ്ടുള്ള ഹരജി പരിഗണിക്കവേയാണ് കോടതിയുടെ പരാമര്‍ശം.
തേങ്ങ എങ്ങനെ ഉടയ്ക്കണമെന്നും ആരതി എങ്ങനെ നടത്തണമെന്നും കോടതി പറയണോ എന്ന് പരാതിക്കാരനായ ശ്രീ വരിദാദയോട് ചീഫ് ജസ്റ്റിസ് എന്‍.വി. രമണ ചോദിച്ചു.
