ലോകകപ്പ് ജേതാക്കളാകാന്‍ ഏറ്റവും സാധ്യത അര്‍ജന്റീനക്ക്; നീലപ്പടയെ പിന്തുണച്ച് ജര്‍മന്‍ സ്‌ട്രൈക്കര്‍
സ്പോര്‍ട്സ് ഡെസ്‌ക്
Thursday, 16th June 2022, 6:25 pm
കഴിഞ്ഞ രണ്ട് വര്‍ഷമായി മികച്ച പ്രകടനമാണ് ലയണല്‍ മെസിയുടെ കീഴില്‍ അര്‍ജന്റീന കാഴ്ച്ചവെക്കുന്നത്. 33 കളിയില്‍ തോല്‍വി അറിയാതെ മുന്നേറുന്ന അര്‍ജന്റൈന്‍ പട ഈ വര്‍ഷം നടക്കുന്ന ലോകകപ്പ് വിജയിക്കാന്‍ സാധ്യതയുള്ള ടീമുകളിലൊന്നാണ്.
പല താരങ്ങളും അര്‍ജന്റീനയാണ് ഇത്തവണ ഏറ്റവും സാധ്യത കല്‍പ്പിക്കുന്ന ടീമെന്ന് തുറന്നു പറഞ്ഞിരുന്നു. അക്കൂട്ടത്തിലിപ്പോള്‍ പുതുതായി വന്നിരിക്കുകയാണ് ജര്‍മനിയുടെ സ്‌ട്രൈക്കറായ ടിമൊ വെര്‍നര്‍.
ഇറ്റലിക്കെതിരെയുള്ള മത്സരത്തില്‍ അര്‍ജന്റീനയുടെ മികവ് വ്യക്തമായിരുന്നു. അവര്‍ ബ്രില്ല്യന്റ് ടീമാണ്, അതുകൊണ്ട് അവര്‍ വിജയിക്കുമെന്നാണ് താന്‍ കരുതുന്നത് എന്നാണ് വെര്‍നര്‍ പറഞ്ഞത്.
അര്‍ജന്റീനയുടെ കൂടെ ബ്രസീലും ലോകകപ്പിലെ ഫേവറേറ്റുകളാണെന്നാണ് സ്പാനിഷ് കോച്ച് ഹെന്റിക്വസ് പറഞ്ഞത്.
