ഇടത് സ്ഥാനാര്‍ത്ഥികളെ വിജയിപ്പിക്കണോ എന്ന് ആലോചിക്കും; കക്കുകളി നാടകത്തിനെതിരെ ഇടവകകളില്‍ സര്‍ക്കുലര്‍ വായിച്ചു
ഡൂള്‍ന്യൂസ് ഡെസ്‌ക്
Sunday, 12th March 2023, 8:45 am
തൃശൂര്‍: കക്കുകളി നാടകത്തിനെതിരെ തൃശൂര്‍ അതിരൂപതയുടെ കീഴിലുള്ള ഇടവകകളില്‍ ഞായറാഴ്ച സര്‍ക്കുലര്‍ വായിച്ചു. നാടക വിവാദവുമായി ബന്ധപ്പെട്ട് സാസ്‌കാരിക വകുപ്പിനെതിരെയും സര്‍ക്കാരിനെതിരെയും രൂക്ഷ വിമര്‍ശനമാണ് തൃശൂര്‍ അതിരൂപത നടത്തിയത്.
ബ്രഹ്മപുരം മാലിന്യ പ്ലാന്റിനെക്കാള്‍ ഹീനമാണ് ഇടത് സാംസ്‌കാരിക ബോധമെന്നും അതിരൂപത പറഞ്ഞു. തെരഞ്ഞെടുപ്പുകളില്‍ ഇടത് സ്ഥാനാര്‍ത്ഥികളെ വിജയിപ്പിക്കണമോ എന്നത് ആലോചിക്കുമെന്നും ഇടവകകളില്‍ വായിച്ച സര്‍ക്കുലറില്‍ പറഞ്ഞു.
ക്രൈസ്തവ പുരോഹിതരേയും വിശ്വാസത്തേയും അപഹസിക്കുന്ന നാടകത്തിന് സര്‍ക്കാര്‍ കൂട്ടുനില്‍ക്കുകയാണ്. ക്രിസ്ത്യന്‍ സമുദായത്തെ അവഹേളിക്കുന്ന കക്കുകളിയെ ഉന്നത കലാസൃഷ്ടി എന്നനിലയിലാണ് സര്‍ക്കാര്‍ അവതരിപ്പിക്കുന്നതെന്നും അതിരൂപത പറഞ്ഞു.
