തൃശ്ശൂരില്‍ കൊയ്ത്ത് കഴിഞ്ഞ് മടങ്ങിയ അതിഥി തൊഴിലാളിയെ മര്‍ദ്ദിച്ചു; പ്രതിഷേധവുമായി തൊഴിലാളികള്‍; പൊലീസുകാരനെ സ്ഥലം മാറ്റി
ഡൂള്‍ന്യൂസ് ഡെസ്‌ക്
Friday, 10th April 2020, 9:17 pm
തൃശ്ശൂര്‍: കെയ്ത്തുമെതിയന്ത്ര ഡ്രൈവര്‍മാരായ അതിഥി തൊഴിലാളികളെ മര്‍ദ്ദിച്ച സംഭവത്തില്‍ പൊലീസുകാരന് സ്ഥലമാറ്റം. തൃശ്ശൂര്‍ അരിമ്പൂരിലായിരുന്നു സംഭവം.
കണ്‍ട്രോള്‍ റൂമിലെ സി.പി.ഒ മിഥുന്‍ ലാലിനെയാണ് സ്ഥലം മാറ്റിയത്. അരിമ്പൂര്‍ ചാലാടി കോള്‍ പാടത്തു നിന്ന് കൊയ്ത്തു കഴിഞ്ഞു മടങ്ങുകയായിരുന്ന രണ്ട് തമിഴ്നാട് സ്വദേശികളെ ഇയാള്‍ മര്‍ദ്ദിക്കുകയായിരുന്നു.
തമിഴ്നാട് സേലം സ്വദേശികളായ ശക്തി, കുമരേശന്‍,വെങ്കിടേഷ് എന്നീ തൊഴിലാളികള്‍ക്കാണ് കൊയ്ത്തു കഴിഞ്ഞ് ബൈക്കില്‍ തിരികെ വരുമ്പോള്‍ മര്‍ദ്ദനമേറ്റത്.
