തൃശ്ശൂര്‍: തൃശ്ശൂരില്‍ സമ്പര്‍ക്കത്തിലൂടെ നിരവധിപേര്‍ക്ക് കൊവിഡ് ബാധിച്ച സാഹചര്യത്തില്‍ ജാഗ്രത കടുപ്പിക്കാനൊരുങ്ങി നഗരസഭ. മന്ത്രി എ.സി മൊയ്തീന്റെ നേതൃത്വത്തില്‍ ഉച്ചക്ക് തിരിഞ്ഞ് അടിയന്തര യോഗം ചേരും.
നാല് ചുമട്ടു തൊഴിലാളികള്‍ നാലു ശുചീകരണ തൊഴിലാളികള്‍, നാല് ആരോഗ്യ പ്രവര്‍ത്തകര്‍ എന്നിവര്‍ക്കാണ് കഴിഞ്ഞ ദിവസം കൊവിഡ് സ്ഥിരീകരിച്ചത്. രോഗബാധ സ്ഥിരീകരിച്ചതോടെ ചുമട്ടു തൊഴിലാളികള്‍ ജോലിചെയ്തിരുന്ന വെയര്‍ ഹൗസ് അടച്ചു.
കുരിയച്ചിറയിലെ വെയര്‍ഹൗസിലേക്ക് അന്യസംസ്ഥാനത്തു നിന്നും ലോറിയില്‍ നിരവധി സാധനങ്ങളെത്തിക്കുന്നതിനാല്‍ മറ്റുള്ളവര്‍ക്കും രോഗം പടര്‍ന്നിരിക്കാന്‍ സാധ്യതയുണ്ടെന്നാണ് അനുമാനിക്കുന്നത്. ഇതേ തുടര്‍ന്നാണ് വെയര്‍ഹൗസ് അടച്ചത്.
