നിരോധനങ്ങള്‍ തുര്‍ക്കിയെ പിന്തിരിക്കില്ല;സിറിയന്‍ കുര്‍ദുകളെ തുരത്തുമെന്ന് നിലപാടിലുറച്ച് എര്‍ദൊഗാന്‍
ഡൂള്‍ന്യൂസ് ഡെസ്‌ക്
Monday, 14th October 2019, 12:07 am
ഇസ്താംബുള്‍: വടക്കന്‍ സിറിയയിലെ കുര്‍ദിഷ് സേനയ്ക്ക് നേരെയുള്ള സൈനികനടപടികള്‍ മറ്റു രാജ്യങ്ങള്‍ തങ്ങളുടെ മേല്‍ നിരോധനം ഏര്‍പ്പെടുത്തിയാലും നിര്‍ത്തില്ലെന്ന് തുര്‍ക്കി പ്രസിഡന്റ് എര്‍ദോഗന്‍.
ഫ്രാന്‍സ്, ജര്‍മനി എന്നീ രാജ്യങ്ങള്‍ തുര്‍ക്കിയുടെ നീക്കത്തെ അപലപിച്ചു കൊണ്ട് കഴിഞ്ഞദിവസം തുര്‍ക്കിയിലേക്കുള്ള ആയുധകയറ്റുമതി നിര്‍ത്തലാക്കിയിരുന്നു. ഇത് സൂചിപ്പിച്ചു കൊണ്ടാണ് എര്‍ദൊഗാന്റെ പരാമര്‍ശം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘ ഞങ്ങളുടെ ഓപ്പറേഷന്‍ തുടങ്ങിയ ശേഷം സാമ്പത്തിക വിലക്കുകളും ആയുധവില്‍പ്പന നിരോധനവും ഞങ്ങള്‍ക്കു മേല്‍ ഏര്‍പ്പെടുത്തിയിട്ടുണ്ട്. അവര്‍ ഇത്തരം നീക്കങ്ങളിലൂടെ തുര്‍ക്കിയെ പിന്തിരിപ്പിക്കാമെന്ന് കരുതിയെങ്കില്‍ അത് തെറ്റാണ്. ‘ എര്‍ദൊഗാന്‍ ടെലിവിഷനിലൂടെ പറഞ്ഞു.
