സഹോദരി മരിച്ചിട്ട് 10 വര്‍ഷമായി; തന്റെ സഹോദരി ബി.ജെ.പിയില്‍ ചേര്‍ന്നുവെന്ന വാര്‍ത്തകളെ തള്ളി തോട്ടത്തില്‍ രവീന്ദ്രന്‍
ഡൂള്‍ന്യൂസ് ഡെസ്‌ക്
Thursday, 18th March 2021, 1:27 pm
കോഴിക്കോട്: തന്റെ സഹോദരി ബി.ജെ.പിയില്‍ ചേര്‍ന്നുവെന്ന വാര്‍ത്തകളെ തള്ളി കോഴിക്കോട് നോര്‍ത്ത് മണ്ഡലം എല്‍.ഡി.എഫ് സ്ഥാനാര്‍ത്ഥി തോട്ടത്തില്‍ രവീന്ദ്രന്‍. ബി.ജെ.പിയില്‍ ചേര്‍ന്നു എന്ന് പറഞ്ഞ് പ്രചരിക്കുന്ന ഫോട്ടോ ബി.ജെ.പി കൗണ്‍സിലറുടെ മകളുടെ ഭര്‍തൃമാതാവിന്റെ ഫോട്ടോയാണെന്ന് രവീന്ദ്രന്‍ പറഞ്ഞു.
‘നുണകള്‍ പറയുകയും അത് ആവര്‍ത്തിച്ച് പ്രചരിപ്പിക്കുകയും ചെയ്യുക എന്നത് ആര്‍.എസ്.എസ് തന്ത്രമാണ്. അത് ഏറ്റുപിടിച്ചിരിക്കുകയാണ് കോഴിക്കോടുള്ള യു.ഡി.എഫ് പ്രവര്‍ത്തകര്‍. പത്തുവര്‍ഷങ്ങള്‍ക്കുമുമ്പ് മരണപ്പെട്ട എന്റെ സഹോദരിയെക്കുറിച്ചാണ് ഇപ്പോള്‍ അവരുടെ പ്രചരണം’, തോട്ടത്തില്‍ രവീന്ദ്രന്‍ പറഞ്ഞു.
